ବୁଡ଼ି ଯାଉଥିବା ବ୍ୟକ୍ତିକୁ ଉଦ୍ଧାର କରିବା ପାଇଁ ପାଣିକୁ ଓହ୍ଲାଇଲା ଶିଶୁ ହାତୀ

କେରଳ: କେରଳର କିଛି ଦୁର୍ଦ୍ଦାନ୍ତ ବ୍ୟକ୍ତି ଏକ ସପୁରୀରେ ବିସ୍ଫୋରକ ଭର୍ତ୍ତି କରି ଏକ ଗର୍ଭବତୀ ହାତୀକୁ ଖାଇବାକୁ ଦେଇଥିବା ଘଟଣା ଏବେ ସାରା ଦେଶରେ ଚାଞ୍ଚଲ୍ୟ ସୃଷ୍ଟି କରିଛି । ଘଟଣାରେ ଗର୍ଭବତୀ ହାତୀଟିର ମୃତ୍ୟୁ ଘଟିଥିଲା।  ସୋସିଆଲ ମିଡିଆରେ ଏହି ମାମଲା ପ୍ରାଧାନ୍ୟ ବିସ୍ତାର କରିଛି । ଲୋକମାନେ ମାନବିକତା ଉପରେ ପ୍ରଶ୍ନ କରୁଛନ୍ତି। ଏଥି ସହିତ, ସେମାନେ ଏହି ଅମାନୁଷିକ କାର୍ଯ୍ୟ କରିଥିବା ସେହି ଅପରାଧୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରୁଛନ୍ତି ।

ଏଭଳି ସମୟରେ ଆଉ ଏକ ହାତୀର ସୁନ୍ଦର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଭିଡିଓରେ ଜଣେ ବ୍ୟକ୍ତି ନଦୀରେ ଭାସି ଯାଉଥିବାବେଳେ ଏକ ଶିଶୁ ହାତୀ ନଦୀରେ ପହଁରୀ ବ୍ୟକ୍ତିଟିକୁ ଉଦ୍ଧାର କରୁଥିବା ଭଳି ଦୃଶ୍ୟ ରହିଛି ।

https://twitter.com/AnimalsWorId/status/1268071129341661186

ଏହି ସୁନ୍ଦର ଭିଡିଓ @AnimalWorld ନାମକ ଜଣେ ଟ୍ୱିଟର ୟୁଜର୍ସଙ୍କ ଦ୍ୱାରା ସେୟାର କରାଯାଇଥିଲା । ସେ କ୍ୟାପସନରେ ଲେଖିଛନ୍ତି ଯେ, ‘ଏହି ଶିଶୁ ହାତୀଟି ଭାବିଲା ନଦାରେ କେହି ଜଣେ ବୁଡ଼ିଯାଉଛନ୍ତି, ତେଣୁ ତାକୁ ଉଦ୍ଧାର କରିବା ପାଇଁ ସେ ନଦୀ ଭିତରକୁ ଆସିଲା, ବାସ୍ତବରେ ଆମେ ଏସବୁର ଯୋଗ୍ୟ ନୁହନ୍ତି । ‘