ଟିକାକରଣ ପରେ ମୃତ୍ୟୁକୁ ନେଇ CMOଙ୍କ ବୟାନ, କହିଲେ ହୃଦଘାତରେ ହୋଇଛି ୱାର୍ଡ ବୟଙ୍କ ମୃତ୍ୟୁ
ମୁରାଦାବାଦ: ମୁରାଦାବାଗରେ କରୋନା ଭ୍ୟାକସିନ ନେବା ପରେ ଜଣେ ୱାର୍ଡ ବୟଙ୍କ ମୃତ୍ୟୁ ହୋଇଛି । ଏହି ମାମଲାରେ ଡାକ୍ତରଖାନାର ମୁଖ୍ୟ ଚିକିତ୍ସା ଅଧିକାରୀ କହିଛନ୍ତି ଯେ, ୱାର୍ଡ ବୟଙ୍କ ମୃତ୍ୟୁ ହୃଦଘାତରୁ ହୋଇଛି । ସୂଚନା ଅନୁଯାୟୀ ମୁରାଦାବାଦ ଜିଲ୍ଲା ଡାକ୍ତରଖାନାରେ କାମ କରୁଥିବା ୪୮ ବର୍ଷିୟ ୱାର୍ଡ ବୟ ମହିପାଲ କରୋନା ଭ୍ୟାକସିନ ନେବା ପରେ ଅସୁସ୍ଥ ହୋଇପଡ଼ିଥିଲେ । ଏହାପରେ ତାଙ୍କୁ ଡାକ୍ତରଖାନା ନିଆଯାଇଥିଲା କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରାଯାଇଥିଲା ।
ୱାର୍ଡ ବୟଙ୍କ ମୃତ୍ୟୁକୁ ନେଇ ଜିଲ୍ଲା ଡାକ୍ତରଖାନାର ସିଏମଓ କହିଛନ୍ତି ଯେ, ଭ୍ୟାକସିନ ନେବା ପରେ ଏହାର ପାର୍ଶ୍ୱ ପ୍ରତିକ୍ରିୟା ବିଷୟରେ କାହାକୁ ଜଣାନଥାଏ, ୱାର୍ଡ ବୟଙ୍କ ମୃତ୍ୟୁର କାରଣ ଜାଣିବା ପାଇଁ ତଦନ୍ତ ଚାଲିଛି । ସେ କହିଛନ୍ତି ଯେ, ମହିପାଲ ପ୍ରଥମେ କରୋନା ଭାଇରସ ଦ୍ୱାରା ସଂକ୍ରମିତ ନଥିଲେ ।
ମୃତ ମହିପାଳଙ୍କ ପୁଅ ବିଶାଲଙ୍କ କହିବା ଅନୁଯାୟୀ, ଜାନୁଆରୀ ୧୬ ତାରିଖ ଦିନ ଟିକାକରଣ ପାଇଁ ସେ ବାପାଙ୍କୁ ନେଇ ଜିଲ୍ଲା ଡାକ୍ତରଖାନା ଯାଇଥିଲେ । ସେଠାରୁ ଭ୍ୟାକସିନ ନେଇ ଫେରିବା ପରେ ତାଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାକୁ ଲାଗିଲା । ବିଶାଲଙ୍କ ସୂଚନା ଅନୁଯାୟୀ, ମହିପାଲ ପୂର୍ବରୁ କରୋନାରେ ଆକ୍ରାନ୍ତ ନଥିଲେ, ବରଂ ସେ ନିମୋନିଆରେ ଆକ୍ରାନ୍ତ ହୋଇଥିଲେ ଏବଂ ଡାକ୍ତରଖାନାରୁ ଭ୍ୟାକସିନ ନେଇ ଫେରିବା ପରେ ତାଙ୍କ ସ୍ୱାସ୍ଥ୍ୟବସ୍ଥା ବିଗିଡିଥିଲା ।
ମହିପାଲଙ୍କ ମୃତ୍ୟୁର କାରଣ ପୋଷ୍ଟମର୍ଟମ ପରେ ଜଣାପଡ଼ିବ ବୋଲି ମୁରାଦାବାକର ମୁଖ୍ୟ ଚିକିତ୍ସାଧିକାରୀ ଏମ ସୀ ଗର୍ଗ ସୂଚନା ଅନୁଯାୟୀ ଦେଇଥିଲେ । ତେବେ ଆଜି ମହିପାଲଙ୍କ ମୃତ୍ୟୁ ହୃଦଘାତରୁ ହୋଇଥିବା ମୁଖ୍ୟ ଚିକିତ୍ସକ ସୂଚନା ଦେଇଛନ୍ତି ।
