ନନ୍ଦିଘୋଷ ବ୍ୟୁରୋ: କାନ୍ଥ ପଡି ଶ୍ରମିକ ଦମ୍ପତ୍ତିଙ୍କ ମୃତ୍ଯୁ । ଏଭଳି ଅଭାବନୀୟ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ସୋନପୁରରେ। ସୂଚନା ଅନୁସାରେ ଜଣେ ସ୍ଥାନୀୟ ଲୋକେ ନିଜ ଘର ନିକଟରେ ବାଡ ଦେବାପାଇଁ ଶ୍ରମିକଙ୍କୁ ନେଇ ଗାତ ଖୋଳୁଥିଲେ। ନିକଟରେ ଥିବା ପୁରୁଣା କାନ୍ଥଟି ଢଳି ପଡି ଦୁଇଜଣ ଶ୍ରମିକ ପୋତି ହୋଇ ଯାଇଥିଲେ। ତୁରନ୍ତ ଦମକଳବାହିନୀ ଖବର ପାଇ ଉଭୟଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲା। ଡାକ୍ତର ସେଠାରେ ଦମ୍ପତିଙ୍କୁ ମୃତ ଘୋଷଣା କରିଥିଲେ। ୨ ମୃତକ ହେଲେ ବୀରମହାରାଜପୁର ବଡ଼ଖମାର ଗାଁର ଦୂର୍ଲଭା ମିର୍ଦ୍ଧା ଓ ମୁନୁ ମିର୍ଦ୍ଧା। ଖବର ପାଇ ବୀରମହାରାଜପୁର ବିଧାୟକ ରଘୁନାଥ ଜଗଦଲ ପହଞ୍ଚି ମୃତକଙ୍କ ପରିବାରଙ୍କୁ ଭେଟି ସମବେଦନା ଜଣାଇଛନ୍ତି ।
