ଆଉ ଏକ ଖୁଲାସା କଲେ ଓ୍ୱାଜିଦଙ୍କ ପତ୍ନୀ, ଧର୍ମ ପରିବର୍ତ୍ତନ କରିବା ଲାଗି ମିଳିଥିଲା ତଲାକ ଧମକ

ମୁମ୍ବାଇ: ବଲିଉଡର ଜଣାଶୁଣା କମ୍ପୋଜର ଓ୍ୱାଜିଦ୍ ଖାନଙ୍କ ନିଧନକୁ ୫ ମାସ ବିତିଗଲାଣି । ଏଭଳି ସମୟରେ ପତ୍ନୀ କମଲରୁଖ ଖାନ ସ୍ୱାମୀଙ୍କୁ ନେଇ ଆଉ ଏକ ଖୁଲାସା କରିଛନ୍ତି । ଏକଦା ଧର୍ମ ପରିବର୍ତ୍ତନ ନକଲେ ଓ୍ୱାଜିଦ ତାଙ୍କୁ ତଲାକ ଦେବେ ବୋଲି କହିଥିଲେ ।

ଏକ ସାକ୍ଷାତକାରରେ କମଲରୁଖ ପ୍ରକାଶ କରିଛନ୍ତି, ୱାଜିଦ୍ ଖାନ ତାଙ୍କ ଉପରେ ଧର୍ମ ପରିବର୍ତ୍ତନ ପାଇଁ  ଚାପ ପକାଉଥିଲେ।କେବଳ ଏତିକି ନୁହେଁ, ୱାଜିଦ୍ ଖାନ୍ ମଧ୍ୟ ଧର୍ମ ପରିବର୍ତ୍ତନ ନକଲେ ଛାଡପତ୍ର ହେବାର ଧମକ ଦେଇଥିଲେ। ଯେଉଁଥିପାଇଁ ସେ ପ୍ରାୟ ୬ ବର୍ଷ ଧରି ତାଙ୍କ ସ୍ୱାମୀଙ୍କଠାରୁ ଅଲଗା ମଧ୍ୟ ରହିଥିଲେ।

ୱାଜିଦ୍ ୨୦୧୪ରେ କମଲରୁଖଙ୍କୁ ଛାଡପତ୍ର ଦେବା ପାଇଁ ଏକ ମାମଲା ମଧ୍ୟ ଦାଏର କରିଥିଲେ । ହେଲେ ତଲାକ ହୋଇପାରିନଥିଲା । କିନ୍ତୁ ପରେ ୱାଜିଦ୍ ତାଙ୍କର ଭୁଲ ବୁଝିପାରି କମଲରୁଖଙ୍କୁ କ୍ଷମା ମାଗିଥିଲେ ବୋଲି ସେ କହିଛନ୍ତି ।