କରୋନା ସଂକ୍ରମଣ ବଢ଼ିବା କାରଣରୁ ବନ୍ଦ ହେବ ଭିସୁଟ

ବୁର୍ଲା: ବନ୍ଦ ହେବ ଭିସୁଟ। ଭିସୁଟରୁ ଏକାଧିକ କରୋନା ପୋଜେଟିଭ ଚିହ୍ନଟ ହେବ ପରେ ନିଷ୍ପତ୍ତି ନେଲେ ଭିସୁଟ କତ୍ତୃପକ୍ଷ । ଗତକାଲି ବୀର ସୁରେନ୍ଦ୍ର ସାଏ ବୈସେୟିକ ବିଶ୍ୱବିଦ୍ୟାଳୟରେ କରୋନା ସମ୍ପର୍କିତ ବୈଠକ ହୋଇଥିଲା । ଏହି ବୈଠକରେ ଆସନ୍ତା ସୋମବାର ଦିନ ଯାଏ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି ।

ପୂର୍ବରୁ ପ୍ରତ୍ୟକ ଶନିବାର ଭିସୁଟ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଥିଲା । ଏଣୁ ଶନିବାର, ରବିବାର ଓ ସୋମବାର ତିନି ଦିନ ଧରି ଭିସୁଟ ବନ୍ଦ ରହିବ । ଏହି ତିନି ଦିନ ଭିସୁଟକୁ ସାନିଟାଇଜ କରାଯାଇ ବିଶୋଧନ କରାଯିବ । ଏହି ତିନିଦିନ କୌଣସି କର୍ମଚାରୀ ଭିସୁଟକୁ ନ ଆସିବା ପାଇଁ କୁଳପତି ଘୋଷଣା କରିଛନ୍ତି । ଏକ ପ୍ରେସ ବିଜ୍ଞପ୍ତି ଦ୍ୱାରା ଭିସୁଟ କୁଳପତି ଏ ନେଇ ଘୋଷଣା କରିଛନ୍ତି ।