କ୍ଲିନ୍ଚିଟ୍ ପାଇବା ପରେ ମୁହଁ ଖୋଲିଲେ ଭିସୁଟ୍ କୂଳପତି
ସମ୍ବଲପୁର: ବୁର୍ଲା ଭିସୁଟ୍ କୂଳପତିଙ୍କୁ କ୍ଲିନ୍ଚିଟ୍ । ଅଭିଯୋଗ ଭିତ୍ତିହୀନ ବୋଲି କହିଲେ ତଦନ୍ତକାରୀ ଅଧିକାରୀ । ଅଭିଯୋଗକାରୀ ଅଧ୍ୟାପିକାଙ୍କ ନାଁରେ ମାନହାନି ମକଦ୍ଦମା ରୁଜୁ କଲେ ଭିସୁଟ୍ କର୍ତ୍ତୃପକ୍ଷ । ଅଧ୍ୟାପିକାଙ୍କୁ କୂଳପତି ଶାରୀରିକ ଓ ମାନସିକ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା । କ୍ଲିନ୍ଚିଟ୍ ପାଇବା ପରେ ମୁହଁ ଖୋଲିଛନ୍ତି କୁଳପତି ।
ଭିସୁଟ୍ରେ କାର୍ଯ୍ୟରତ କିଛି ମହିଳା କର୍ମଚାରୀ ତାଙ୍କ ବିରୋଧରେ ଆଣିଥିଲେ ସାଙ୍ଘାତିକ ଅଭିଯୋଗ । କୂଳପତି କିନ୍ତୁ ତାଙ୍କ ବିରୋଧରେ ସମସ୍ତ ଅଭିଯୋଗକୁ ଖଣ୍ଡନ କରିବା ସହିତ ଏହା ତାଙ୍କ ବିରୋଧରେ ନୁହଁ, ବରଂ ଏହି ଅଭିଯୋଗ ସବୁ ଭିସୁଟ ଉପରେ ଆଉ ସମଗ୍ର ଓଡିଶା ଉପରେ ଲାଗିଥିବା କୂଳପତି ପ୍ରକାଶ କରିଛନ୍ତି । କୂଳପତିଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗ ସମ୍ପୂର୍ଣ୍ଣ ଭିତ୍ତିହିନ ଥିବା ବେଳେ ଏହା କୂଳପତିଙ୍କୁ ନା ଭିସୁଟକୁ ବଦନାମ କରିବା ପାଇଁ ଏକ ସୁପରିକଳ୍ପିତ ଯୋଜନା ବୋଲି କହିଛନ୍ତି ।
ସୂଚନା ଅନୁସାରେ, ପୂର୍ବରୁ ଯେଉଁ ମହିଳା ଅଧ୍ୟାପିକା ଓ ଅଧ୍ୟାପକଙ୍କ ସ୍ତ୍ରୀ ସାଙ୍ଘାତିକ ଅଭିଯୋଗ କରିଥିଲେ । ଏହାପରେ ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ ହୋଇଥିଲା । ଏବଂ ଭିସୁଟ ପରିସରରେ ଥିବା ସମସ୍ତ ସିସିଟିଭି କ୍ୟାମେରା ରେକର୍ଡିଂ ମଧ୍ୟ ଯାଞ୍ଚ କରାଯାଇଥିଲା । ଭିସୁଟ ଭିତରେ ଯେଉଁ ଶାରିରୀକ ନିର୍ଯ୍ୟାତନା ଦେଇଥିବା ଅଭିଯୋଗ ଆଣିଥିଲେ ସେ ସବୁ ପ୍ରକୋଷ୍ଠର ସିସିଟିଭି ମଧ୍ୟ ଯାଞ୍ଚ କରାଯାଇଥିଲା । କିନ୍ତୁ ଏଥିରୁ ସେମିତି କୌଣସି ପ୍ରକାର ପ୍ରମାଣ ମିଳି ନଥିଲା ।
