ଭିସୁଟର ପାଇଁ 2 ହଜାର କୋଟି ଅନୁଦାନ, ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ

ଭୁବନେଶ୍ୱର: ବୀର ସୁରେନ୍ଦ୍ର ସାଏ ୟୁନିଭର୍ସିଟି ଅଫ ଟେକ୍ନୋଲୋଜି ବା ଭିସୁଟର ରୂପାନ୍ତରଣ ପାଇଁ 2 ହଜାର କୋଟି ଟଙ୍କା ଅନୁଦାନ ଏବଂ 100 ଏକର ଜମି ଘୋଷଣାକୁ ସ୍ୱାଗତ କରିଛି ଭିସୁଟ ଆଲୁମିନି ଆସୋସିଏସନ । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଛନ୍ତି କର୍ମକର୍ତ୍ତା । ଭୁବନେଶ୍ୱରରେ ଏକ ସାମ୍ବାଦିକ ସମିଳନୀରେ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ।

ସାମ୍ବାଦିକ ସମିଳନୀରେ VSSUTର କୁଳପତି ପ୍ରଫେସର ବି. ମାଝୀ, ପୂର୍ବତନ କୁଳପତି ପ୍ରଫେସର ଦେବ କୁମାର ତ୍ରିପାଠୀ, ପୁରାତନ ଛାତ୍ରୀ ରେଣୁବାଳା ମହାନ୍ତି, ବ୍ରହ୍ମାନନ୍ଦ ମିଶ୍ର, ଆଶେଷ ପାଢ଼ୀ ପ୍ରମୁଖ ଆଲୁମିନି ଉପସ୍ଥିତ ଥିଲେ । 1956 ମସିହାରେ ଏକାଡେମିକ୍ ବିଲ୍ଡିଂ ଏବଂ ଚାରିଟି ହଷ୍ଟେଲ ସହିତ ହୀରାକୁଦ୍ ଡ୍ୟାମ୍ ପ୍ରୋଜେକ୍ଟ ଜମି ଉପରେ ପ୍ରତିଷ୍ଠା ହୋଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏଭଳି ପଦେକ୍ଷ ପାଇଁ ଭିସୁଟ୍ ନୂତନ ରୂପ ନେବା ସହ ବିଶ୍ଵସ୍ତରୀୟ ହୋଇପାରିବ ବୋଲି ଆଲୁମିନି ଆସୋସିଏସନ ପକ୍ଷରୁ କୁହାଯାଇଛି ।.