ଶିବ ମନ୍ଦିରରେ ଅଜବ ଦୃଶ୍ୟ, କ୍ଷୀର ପିଉଛନ୍ତି ବୃଷଭ

ବଲାଙ୍ଗୀର: ଲୋଇସିଂହା ହୀରାପୁର ବନ୍ଧଆଡିରେ ଦେଖିବାକୁ ମିଳିଛି ଅଜବ ଦୃଶ୍ୟ । ଶିବ ମନ୍ଦିରରେ ବୃଷଭ ପିଉଛନ୍ତି କ୍ଷୀର । ଦୀର୍ଘ ୫ ବର୍ଷ ହେବ ମନ୍ଦିର ନିର୍ମାଣ ହୋଇଛି । ପ୍ରତିଷ୍ଠା ପରଠୁ ବୃଷଭ ମୂର୍ତ୍ତି କ୍ଷୀର ପିଇବା ପ୍ରଥମ ଘଟଣା । ଧର୍ମମାସ ଚାଲିଥିବାରୁ ମହିଲାମାନେ ସକାଳୁ ନିତ୍ୟକର୍ମସାରି ଗାଁ ଶିବ ମନ୍ଦିରରେ ପୂଜା କରୁଛନ୍ତି ।

ଗତକାଲି ପୂଜା କଲା ବେଳେ ମନ୍ଦିରରେ ଥିବା ବୃଷଭଙ୍କୁ ପାଣି ଓ କ୍ଷୀର ଦେବାବେଳେ ଆପେ ଆପେ ଚାମଚରୁ କ୍ଷୀର କେଉଁଆଡେ ଗାଏବ ହୋଇଯାଉଥିବା ଦେଖିବାକୁ ମିଳିଥିଲା । ବୃଷଭ କ୍ଷୀର ପିଉଥିବା ଖବର ପବନ ବେଗରେ ପ୍ରଚାର ହୋଇଚାଲିଲା । ଏହାପରେ ଆଖପାଖ ଗ୍ରାମର ଲୋକଙ୍କ ଭିଡ଼ ମନ୍ଦିରରେ ଦେଖିବାକୁ ମିଳିଥିଲା । ଗତକାଲି ଦିନସାରା ମହିଳା ମାନେ ବୃଷଭଙ୍କୁ କ୍ଷୀର ଓ ପାଣି ପିଆଉଛନ୍ତି । ଏହି ଘଟଣା ପରେ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।