ହିନ୍ଦୋଳ ଓ ଅତାବିରା NACରେ ଭୋଟିଂ ଆରମ୍ଭ

ହିନ୍ଦୋଳ: ଆଜି ରାଜ୍ୟର ଦୁଇ ଏନଏସିରେ ନିର୍ବାଚନ । ଢେଙ୍କାନାଳ ଜିଲ୍ଲାର ହିନ୍ଦୋଳ ଓ ବରଗଡ଼ର ଅତାବିରା ପାଇଁ ହେବ ଭୋଟିଂ। ସକାଳ ୮ଟାରୁ ସନ୍ଧ୍ୟା ୫ଟା ଯାଏ ମତଦାନ କରାଯିବ। ହିନ୍ଦୋଳର ୧୬ଟି ଓ୍ବାର୍ଡରେ ନେତା ବାଛିବେ ଜନତା । ମୋଟ ୯ ହଜାର ୮୬୩ ଜଣ ଭୋଟର ମତାଧିକାର ସାବ୍ୟସ୍ତ କରିବେ।  ୧୬ଟି ବୁଥରୁ ୮ଟି ଉତ୍ତେଜନା ପ୍ରବଣ ଏବଂ ୪ଟି ଅତିଉତ୍ତେଜନା ପୂର୍ଣ୍ଣ ରହିଥିବା ବେଳେ ୨ଟି ପିଙ୍କ୍ ବୁଥ କରାଯାଇଛି।

ସେହିପରି ଅତାବିରା NACରେ ୧୨ଟି ଓ୍ବାର୍ଡ ରହିଛି। ଭୋଟ ଦେଇ ପ୍ରତିନିଧି ବାଛିବେ ୧୩ ହଜାର ୨୦ ଜଣ ଭୋଟର। ଅତାବିରାରେ ଅଧ୍ୟକ୍ଷ ପଦ ପାଇଁ ୪ଜଣ ପ୍ରାର୍ଥୀ ଥିବାବେଳେ ସମୁଦାୟ ୩୯ଜଣ କାଉନସିଲର ପ୍ରାର୍ଥୀ ନିଜର ଭାଗ୍ୟ ପରୀକ୍ଷା କରୁଛନ୍ତି । ଭୋଟିଂ ପାଇଁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଆସନ୍ତା ୫ ତାରିଖରେ ଫଳାଫଳ ପ୍ରକାଶ ପାଇବ ।