ଘରେ ରହି ଭୋଟ ଦେଲେ ଦିବ୍ୟାଙ୍ଗ ଓ ବରିଷ୍ଠ ନାଗରିକ

କାକଟପୁର: ଘରେ ରହି ଭୋଟ ଦେଲେ ଦିବ୍ୟାଙ୍ଗ ଓ ବରିଷ୍ଠ ନାଗରିକ। ଓଡିଶାରେ ଚତୃର୍ଥ ପର୍ଯ୍ୟାୟ ନିର୍ବାଚନ ପାଇଁ କିଛି ଦିନ ଥିବାବେଳେ କାକଟପୁର ନିର୍ବାଚନମଣ୍ଡଳୀରେ ଆରମ୍ଭ ହୋଇଛି ହୋମ ଭୋଟିଂ। ଆଉ ପୋଲିଂ ବୁଥକୁ ଯାଇ ଲାଇନରେ ଠିଆ ହେବେନି ୮୫ବର୍ଷରୁ ଅଧିକ ବର୍ଷର ବୃଦ୍ଧବୃଦ୍ଧା ଏବଂ ଦିବ୍ୟାଙ୍ଗ ଭୋଟର।

ମତଦାନ ହାର ବଢ଼ାଇବାକୁ ନିର୍ବାଚନ ଆୟୋଗଙ୍କ ଲକ୍ଷ୍ୟ ରହିଛି। ଏନେଇ ମତଦାନ କେନ୍ଦ୍ର ନୁହେଁ ଘରେ ପହଂଚିଥିଲେ ପୋଲିଂ ଅଫିସର। ସାଙ୍ଗରେ ନେଇଥିଲେ ଭୋଟ ବାକ୍ସ। ପୁରୀ ଜିଲ୍ଲା କାକଟପୁର ନିର୍ବାଚନମଣ୍ଡଳୀ ଅସ୍ତରଙ୍ଗ, କାକଟପୁର, ଗୋପ ଓ କୋଣାର୍କରେ ଜିଲ୍ଲାପ୍ରଶାସନ ପକ୍ଷରୁ ପୋଲିଂ ଅଧିକାରୀ ଆରମ୍ଭ କରିଛନ୍ତି ହୋମ ଭୋଟିିଂ ପ୍ରକ୍ରିୟା। ଏହି ମହାନ ପର୍ବରେ ସାମିଲ ହୋଇଥିଲେ କାକଟପୁରର ୯୦ରୁ ଅଧିକ ଭୋଟର।