ଭୁବନେଶ୍ବର: ରାଜ୍ୟ ବିଜେପି ସଭାପତି ଏବଂ ରାଷ୍ଟ୍ରୀୟ ପରିଷଦ ନିର୍ବାଚନ ଲାଗି ପ୍ରକାଶ ପାଇଛି ଭୋଟର ତାଲିକା। ଏଥିରେ ଅଛନ୍ତି ମୋଟ ୨୭୩ ଜଣ। ଜିଲ୍ଲା ସଭାପତି, ରାଜ୍ୟ ପରିଷଦ ସଦସ୍ୟ ଏବଂ ନିର୍ବାଚିତ ବିଧାୟକ ଓ ସାଂସଦଙ୍କ ମଧ୍ୟରୁ ଦଶ ପ୍ରତିଶତ ଭୋଟର ତାଲିକାରେ ସ୍ଥାନ ପାଇଛନ୍ତି। ଆସନ୍ତାକାଲି ନାମାଙ୍କନ ହେବ। ଏକାଧିକ ଆଶାୟୀ ହେଲେ ୮ ତାରିଖରେ ନିର୍ବାଚନ ହେବ।
ରାଜ୍ଯ ବିଜେପି ସଭାପତି ନିର୍ବାଚନକୁ ନେଇ ମନମୋହନ ସାମଲ କହିଛନ୍ତି, ଏ ନେଇ ତିନି ଦିନ ଧରି ଚାଲିବ ଚର୍ଚ୍ଚା। ନିଶ୍ଚିତ ଭାବରେ ଜଣେ ନୂତନ ସଭାପତି ଚୟନ ହେବେ। ତରବର ନ ହୋଇ ଧୈର୍ଯ୍ୟ ରଖିବା ଉଚିତ। ଓଡ଼ିଶାରେ ବିଜେପି ସରକାର ଗଠନ ସାଧାରଣ ଲୋକ କରିଛନ୍ତି। କାର୍ଯ୍ୟକର୍ତାମାନେ ଅଖଣ୍ଡ ପରିଶ୍ରମ କରି ସରକାର ଗଠନ କରିଛନ୍ତି। ଆମ ବିଚାରଧାରାରେ ବ୍ୟକ୍ତିଗତ ଶ୍ରେୟ ନାହିଁ। ରାଜ୍ୟ ସଭାପତି ନେଇ ଆମ ଦଳ ଆଉ ରାଷ୍ଟ୍ରୀୟ ଦଳ ନିଷ୍ପତ୍ତି ନେବେ। ମୁଁ ଜଣେ ସାଧାରଣ କାର୍ଯ୍ୟକର୍ତା ଭାବେ ୫୦ ବର୍ଷ ହେଲା କାର୍ଯ୍ୟ କରୁଛି ଆଉ ସବୁ ଦିନ କରିବି ବୋଲି କହିଛନ୍ତି ମନମୋହନ ସାମଲ। …
ରାଜ୍ୟ ବିଜେପି ସଭାପତି ଏବଂ ରାଷ୍ଟ୍ରୀୟ ପରିଷଦ ନିର୍ବାଚନ ଲାଗି ପ୍ରକାଶ ପାଇଲା ଭୋଟର ତାଲିକା
