ପୋଲିସର ବିନା ଅନୁମତିରେ ଖାଦ୍ୟ ବାଣ୍ଟିବାକୁ ଯାଇ ଖାଦ୍ୟ ସହ ଅଟୋ ଜବତ
ଭୁବନେଶ୍ୱର: ଲକଡାଉନରେ ଲୋକଙ୍କୁ ମନଇଚ୍ଛା ଖାଦ୍ୟ ବାଣ୍ଟିବା ଉପରେ ରୋକ ଲଗାଯାଇଛି । ରାଜଧାନୀରେ ମନଇଚ୍ଛା ଖାଦ୍ୟ ବାଣ୍ଟି ପାରିବେନି ସ୍ୱେଚ୍ଛାସେବୀ ସଂଗଠନ । ଏହା ଉପରେ କମିଶନରେଟ୍ ପୋଲିସ କଟକଣା ଲଗାଇଛି ।
ଖାଦ୍ୟ ବଣ୍ଟନ ନାଁରେ ସାମାଜିକ ଦୂରତାକୁ ଉଲ୍ଲଂଘନ କରୁଛନ୍ତି । ଫଳରେ ସାମାଜିକ ସଂକ୍ରମଣର ଆଶଙ୍କା ରହୁଛି। ଖାଦ୍ୟର ମାନ ମଧ୍ୟ ଠିକ୍ ନଥିବା ଅଭିଯୋଗ ହୋଇଛି । ତେଣୁ ବିଏମ୍ସି ଓ ପୋଲିସ ବିନା ଅନୁମତିରେ ଖାଦ୍ୟ ବଣ୍ଟନ ନେଇ କାର୍ଯ୍ୟାନୁଷ୍ଠାନ ନିଆଯିବ । ଆଜି ଭୁବନେଶ୍ୱର ରାଜମହଲ ଛକରୁ ଅଟୋ ଓ ଖାଦ୍ୟ ଜବତ କରିଛନ୍ତି ପୋଲିସ।
