ଅସହାୟ ବ୍ୟକ୍ତିଙ୍କୁ ସହାୟତାର ହାତ ବଢାଇଲେ ଫାଇଭ-ଟି ଅଧ୍ୟକ୍ଷ

ଖୋର୍ଦ୍ଧା: ଅସହାୟ ବ୍ୟକ୍ତିଙ୍କୁ ସହାୟତାର ହାତ ବଢାଇଲେ ଫାଇଭ-ଟି ଅଧ୍ୟକ୍ଷ । ଫାଇଭ-ଟି ଅଧ୍ୟକ୍ଷ  ଭିକେ ପାଣ୍ଡିଆନଙ୍କ ନିର୍ଦ୍ଦେଶରେ ଖୋର୍ଦ୍ଧା ଜିଲ୍ଲାର ଅସହାୟ ବ୍ୟକ୍ତି ବାସୁଦେବ ସାଠୁଆଙ୍କୁ ସହାୟତା ଯୋଗାଇଲା ଜିଲ୍ଲା ପ୍ରଶାସନ। ବେଗୁନିଆ ବ୍ଲକ୍ ଦୁର୍ଗାପୁର ପଞ୍ଚାୟତ ଅନ୍ତର୍ଗତ ଗୁଡୁମ ଗାଁ ନିକଟ ନୀଳକଣ୍ଠ ପୁରର ବାସୁଦେବ ସାଠୁଆ । ବାସୁଦେବଙ୍କ ଦୁଇ ପୁଅଙ୍କର ମୃତ୍ୟୁ ପରେ ଅନାଥ ନାତିନାତୁଣୀଙ୍କୁ ନେଇ ଦୁଃଖରେ ଚଳୁଥିଲେ ବାସୁଦେବ। ବୃଦ୍ଧ ଅବସ୍ଥାରେ ପରିବାର ଚଳାଇବାକୁ ଅସହାୟ ପ୍ରକାଶ କରିଥିଲେ ବାସୁଦେବ । ବାସୁଦେବଙ୍କ ଅବସ୍ଥା ନେଇ କିଛି ସ୍ବେଚ୍ଛାସେବୀ  ଫାଇଭ-ଟ ଅଧ୍ୟକ୍ଷଙ୍କୁ ଟୁଇଟ ଯୋଗେ ଜଣାଇଥିଲେ । ପରେ ସହଯୋଗ ଯୋଗାଇ ଦେବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଥିଲେ ଫାଇଭ-ଟି ଅଧ୍ୟକ୍ଷ ଭିକେ ପାଣ୍ଡିଆନ। ପ୍ରଶାସନ ବାସୁଦେବଙ୍କ ପାଖରେ ପହଞ୍ଚି ଆର୍ଥିକ ସହାୟତା ପ୍ରଦାନ କରିଛି । ଏଥିପାଇଁ ଫାଇଭ-ଟି ଅଧ୍ୟକ୍ଷଙ୍କୁ କୃତଜ୍ଞତା ଜଣାଇଛନ୍ତି ବାସୁଦେବ ଓ ତାଙ୍କ ପରିବାର।