ଭିସ୍ତାରା ବିମାନରେ ତ୍ରୁଟି, ଦିଲ୍ଲୀରେ ଜରୁରୀ ଅବତରଣ କଲା ଭୁବନେଶ୍ବର ଆସିବାକୁ ଥିବା ବିମାନ

ନୂଆଦିଲ୍ଲୀ: ଭିସ୍ତାରା ବିମାନରେ ତୃଟି କାରଣରୁ ଦିଲ୍ଲୀରେ ଜରୁରୀ ଅବତରଣ କଲା ଭୁବନେଶ୍ବର ଆସିବାକୁ ଥିବା ବିମାନ । ଦିଲ୍ଲୀରୁ ଭୁବନେଶ୍ବର ଆସିବାକୁ ଥିବା ଭିସ୍ତାରା କମ୍ପାନୀର ବିମାନରେ ଆଜି ସନ୍ଧ୍ୟାରେ ଯାନ୍ତ୍ରିକ ତ୍ରୁଟି ପରିଲକ୍ଷିତ ହୋଇଥିଲା । ବିମାନରେ ହାଇଡ୍ରୋଲିକ୍ ସିଷ୍ଟମ୍ ଫେଲ୍ ହେବା କାରଣରୁ ଉଡ଼ାଣର କିଛି ସମୟ ମଧ୍ୟରେ ବିମାନଟିକୁ ପୁନର୍ବାର ଦିଲ୍ଲୀ ଏୟାରପୋର୍ଟରେ ଜରୁରୀ ଅବତରଣ କରାଯାଇଥିବା ସୂଚନା ମିଳିଛି । ସନ୍ଧ୍ୟା ପ୍ରାୟ ୭ଟା ୫୩ ମିନିଟରେ ଏହି ଘଟଣା ଦିଲ୍ଲୀ ବିମାନ ବନ୍ଦରରେ ଘଟିଛି । ବିମାନଟି ଉଡ଼ାଣ ଭରିବାର ମାତ୍ର କିଛି ସମୟ ପରେ ଏଭଳି ସ୍ଥିତି ସୃଷ୍ଟି ହେବାରୁ ତୁରନ୍ତ ଏହାକୁ ଜରୁରୀ ଅବତରଣ କରାଯାଇଥିଲା ।