ବିରାଟଙ୍କ ବାବଦରେ କିଛି ଏମିତି କହିଲେ ଦାଦା

1 min read

ମୁମ୍ବାଇ: ବିଶ୍ୱରେ ବଦଳୁଛି କ୍ୟାପଟେନଙ୍କ ଟ୍ରେଣ୍ଡ । ଭିନ୍ନ ଭିନ୍ନ ଫର୍ମାଟରେ ଅଧିକାଂଶ ଦେଶ ଭିନ୍ନ ଭିନ୍ନ ଅଧିନାୟକଙ୍କୁ ନିଯୁକ୍ତ କରୁଛନ୍ତି । ଏଭଳି ସ୍ଥଳେ ଭାରତରେ ମଧ୍ୟ ସେହି ଫର୍ମୁଲା ଆପଣାଯିବ କି ବୋଲି କ୍ରିକେଟପ୍ରେମୀଙ୍କ ମଧ୍ୟରେ ଆଗ୍ରହ ରହିଛି । କିନ୍ତୁ ନୂଆ କରି ଭାରତୀୟ କ୍ରିକେଟ ବୋର୍ଡର ସଭାପତି ହୋଇଥିବା ସୌରଭ ଗାଙ୍ଗୁଲି ଏକ ଜାତୀୟ ଖବର କାଗଜକୁ ସାକ୍ଷାତକାର ଦେଇ ଏ ସବୁ ଚର୍ଚ୍ଚାର ଅନ୍ତଃ ଘଟାଇଛନ୍ତି । ସେ କହିଛନ୍ତି ରୋହିତ୍ ଶର୍ମା ଜଣେ ସଫଳତମ ଅଧିନାୟକ ତେବେ ବିରାଟ କୋହିଲ ମଧ୍ୟ ବିଶ୍ୱକପ ପରେ ନିଜ ଅଧିନାୟକତ୍ୱକୁ ଦୃଢ ଭାବେ ତୁଲାଇଛନ୍ତି । ଆମେ ଅନ୍ୟ ଦେଶ ଭଳି ସବୁ ଫର୍ମାଟରେ ଅଲଗା ଅଲଗା ଅଧିନାୟକ କରିବାକୁ ଚାହୁଁନାହୁଁ । ବିରାଟ କୋହିଲଙ୍କ ଉପରେ ଆମର ଦୃଢ ବିଶ୍ୱାସ ରହିଛି ସେ ହିଁ ଆସନ୍ତା ବର୍ଷ ଅଷ୍ଟ୍ରେଲିଆରେ ହେବାକୁ ଥିବା ଟି-୨୦ ବିଶ୍ୱକପରେ ଅଧିନାୟକ ଭାର ସମ୍ଭାଳିବେ।

ବିସିସିଆଇ ସଭାପତି ସୌରଭ୍ ଗାଙ୍ଗୁଲି

୨୦୧୯ ବିଶ୍ୱକପରେ ଭାରତ ବିଶ୍ୱ ବିଜେତା ହେବାର ମାତ୍ର କିଛିଦୂରରେ ରହିଯାଇଥିଲା  । ସେମିଫାଇନାଲରେ ନ୍ୟୁଜିଲାଣ୍ଡ ଠାରୁ ହାରି ବିଶ୍ୱକପରୁ ବିଦାୟ ନେଇଥିଲେ କୋହଲି ଏଣ୍ଡ କୋ । ଏହା ପରେ କୋହଲିଙ୍କ ଅଧିନାୟକତ୍ୱକୁ ନେଇ କଡା ସମାଲୋଚନା ହୋଇଥିଲା । ଭିନ୍ନ ଭିନ୍ନ ଫର୍ମାଟରେ ଭିନ୍ନ ଅଧିନାୟକ ନିଯୁକ୍ତ କରିବାକୁ ଦାବି ଉଠିଥିଲା  । ବର୍ତ୍ତମାନର ସ୍ଥିତିରେ ବିଶ୍ୱ କ୍ରିକେଟର ଅନେକ ଦଳ ଅଲଗା ଅଲଗା ଫର୍ମାଟ୍ ପାଇଁ ଭିନ୍ନ ଭିନ୍ନ କ୍ୟାପଟେନ ରଖୁଛନ୍ତି । ଇଂଲଣ୍ଡ ଟିମ୍ ମଧ୍ୟ ଜୋ ରୁଟଙ୍କୁ ଟେଷ୍ଟରେ କ୍ୟାପଟେନ୍ କରିଥିବା ବେଳେ ଇଅନ୍ ମୋର୍ଗନଙ୍କୁ ଟି-୨୦ ଓ  ଓ୍ୱାନଡେରେ କ୍ୟାପଟେନ୍ କରିଛି  । ସେହିପରି ଅଷ୍ଟ୍ରେଲିଆ ଟିମ୍ ମଧ୍ୟ ସମାନ ପ୍ରଣାଳୀ ଆପଣାଇଛି । ଓ୍ୱାନଡେ ଓ ଟି-୨୦ ପାଇଁ ଆରୋନ୍ ଫିନ୍ଚ୍ ଙ୍କୁ କ୍ୟାପଟେନ ଦାୟିତ୍ୱ ଦେଇଥିବା ବେଳେ ଟେଷ୍ଟ ପାଇଁ ଟିମ୍ ପାନିଙ୍କୁ କ୍ୟାପଟେନ ଦାୟିତ୍ୱ ଦେଇଛି । ରୋହିତ୍ ଶର୍ମା ଆଇପିଏଲରେ ମୁମ୍ବାଇ ଟିମର କ୍ୟାପ୍ଟେନ ହୋଇ ମୁମ୍ବାଇକୁ ସର୍ବାଧିକ ୪ ଥର ଚାମ୍ପିୟନ୍ କରାଇଛନ୍ତି ।

ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି

ଆଗାମୀ ବର୍ଷ ଅଷ୍ଟ୍ରେଲିୟାରେ ହେବ ଟି-୨୦ ବିଶ୍ୱକପ୍ । ସେଥିପାଇଁ ୨୦ ଓଭର ବିଶିଷ୍ଚ ଆଇପିଏଲର ସବୁଠାରୁ ସଫଳତମ କ୍ୟାପଟେନ୍ ଭାବେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ଭାରତୀୟ ଦଳର ଉପଅଧିନାୟକ ରୋହିତ ଶର୍ମାଙ୍କୁ ଟି-୨୦ ବିଶ୍ୱ କପରେ ଅଧିନାୟକ କରିବାକୁ ଦାବି ଉଠୁଛି । ତେବେ ଏହାକୁ ଏବେଠାରେ ଆଡେଇଲେଣି ବିସିସିଆଇ ସଭାପତି ସୌରଭ୍ ଗାଙ୍ଗୁଲି । ଭାରତୀୟ ଟିମ୍ କୋହଲିଙ୍କ ନେତୃତ୍ୱରେ ଖେଳିବ ବୋଲି ସେ ସ୍ପଷ୍ଟ କରିଛନ୍ତି । ')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.