୧୦ ବର୍ଷ ପରେ ପୁଣି ଆଇପିଏଲ୍ ପଡିଆରେ ମୁହାଁମୁହିଁ କୋହଲି ଗମ୍ଭୀର
1 min read
ନନ୍ଦିଘୋଷ ବ୍ୟୁରୋ: ବିରାଟ କୋହଲି ବନାମ ଗୌତମ ଗମ୍ଭୀର । ୧୦ ବର୍ଷ ପରେ ପୁଣି ଆଇପିଏଲ୍ ଫିଲ୍ମରେ ଦୁଇ ଖେଳାଳିଙ୍କ ମଧ୍ୟରେ ଘମାଘୋଟ ଝଗଡ଼ା । ମ୍ୟାଚ୍ ପରେ ମୈଦାନରେ ମୁହାଁମୁହିଁ ହେଲେ ଉଭୟ । ଆଇପିଏଲ୍ ୨୦୨୩ରେ ପୁଣି ଚର୍ଚ୍ଚାକୁ ଆସିଲା ବିରାଟ ଓ ଗମ୍ଭୀରଙ୍କ କଳି । ସାଖି ରହିଲା ଲୌକ୍ଷ୍ନୌର ଶ୍ରୀ ଅଟଳ ବିହାରୀ ବାଜପେୟୀ କ୍ରିକେଟ୍ ଷ୍ଟାଡିୟମ ।
ତେଣୁ ଆଇପିଏଲର ନିୟମ ଉଲ୍ଲଂଘନ କରିଥିବାରୁ ଉଭୟଙ୍କୁ ଜରିମାନା ହୋଇଛି । ଜରିମାନା ବାବଦକୁ କଟିବ ଶହେ ପ୍ରତିଶତ ମ୍ୟାଚ୍ ଫି। ସେହିପରି ନବୀନ ଉଲ-ହକ୍ଙ୍କର କଟିବ ୫୦ ପ୍ରତିଶତ ମ୍ୟାଚ୍ ଫି । ଗତକାଲି ଆରସିବି ଓ ଏଲଏସଜି ମଧ୍ୟରେ ଥିଲା ମୁକାବିଲା । ଘରୋଇ ଗ୍ରାଉଣ୍ଡରେ ଲକ୍ଷ୍ନୌକୁ ୧୮ ରନରେ ମାତ୍ ଦେଲା ବେଙ୍ଗାଳୁରୁ । ମ୍ୟାଚ୍ ଜିତିବାକୁ ବେଙ୍ଗାଳୁରୁ ଟିମ୍ ଲକ୍ଷ୍ନୌକୁ ୧୨୭ ରନର ଟାର୍ଗେଟ୍ ଦେଇଥିଲା । ହେଲେ ୧୦୮ ରନ କରିବାରେ ସକ୍ଷମ ହୋଇଥିଲେ ।
ଏହାପରେ ସମସ୍ତ ଖେଳାଳି ଉଭୟ ଉଭୟଙ୍କୁ ଶୁଭେଚ୍ଛା ଜଣାଉଥିବା ବେଳେ କୌଣସି କାରଣକୁ ନେଇ ବିରାଟ ଓ ଗମ୍ଭୀରଙ୍କ ମଧ୍ୟରେ ହୋଇଥିଲା ଝଗଡ଼ା । ବିରାଟ ଓ ଗୌତମଙ୍କ ମଧ୍ୟରେ ଜୋରଦାର ଝଗଡ଼ା ବେଳେ ଖେଳାଳି ଓ ଷ୍ଟାଫ୍ ଆସି ମିଂମାସା କରିଥିଲେ । ଉଭୟ ଉଭୟଙ୍କ ଦୋଷ ସ୍ବୀକାର କରିଛନ୍ତି । ୨୦୧୩ ଆଇପିଏଲ୍ ମ୍ୟାଚ୍ ବେଳେ ମଧ୍ୟ ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା ।
ସେତେବେଳେ ଗୌତମ ଗମ୍ଭୀର କୋଲକାତା ନାଇଟ୍ ରାଇଡର୍ସର କ୍ୟାପଟେନ୍ ଥିଲେ । ଏବେ ଗମ୍ଭୀର ଲକ୍ଷ୍ନୌ ସୁରପର ଜିଆଣ୍ଟ୍ସର ମେଣ୍ଟର ଅଛନ୍ତି । ପୂର୍ବରୁ ବେଙ୍ଗାଳୁରୁ ଟିମ୍ର କ୍ୟାପଟେନ୍ ଥିଲେ କୋହଲି ।
