ଏୟାରପୋର୍ଟରେ ଫଟୋ ଉଠାକୁ ନେଇ ଏମିତି କହିଲେ ବିରାଟ

ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ନିର୍ଭରଯୋଗ୍ୟ ବ୍ୟାଟ୍ସମ୍ୟାନ୍ ବିରାଟ କୋହଲି ଶନିବାର ରାତିରେ ମୁମ୍ବାଇ ଏୟାରପୋର୍ଟରେ ନଜର ଆସିଥିଲେ । ପରିବାର ସହ ବିରାଟ ରହିଥିଲେ । ଏହି ସମୟରେ କ୍ୟାମେରାମ୍ୟାନ ଫଟୋ ଉଠାଉଥିବାବେଳେ ସେମାନଙ୍କୁ ମନା କରିଥିଲେ ବିରାଟ । ପରିବାରର ପ୍ରାଇଭେସି ପାଇଁ ସେ ଏଭଳି କହିଥିବା କହିଛନ୍ତି । ତେବେ ବିରାଟ ପରିବାର ସହ କେଉଁଆଡ଼େ ଯାଉଥିଲେ ତାହା ସ୍ପଷ୍ଠ ହୋଇନାହିଁ । ଟିମ ଇଣ୍ଡିଆ ବର୍ଡର ଗାଭାସ୍କର ଟ୍ରଫି ଖେଳିବା ପାଇଁ ଅଷ୍ଟ୍ରେଲିଆ ଗସ୍ତରେ ଯିବ । ଏଣୁ ରବିବାର ମୁମ୍ବାଇରେ ବାକି ଖେଳାଳିମାନେ ଏକାଠି ହେବା ପରେ ବାହାରିବେ । ମାତ୍ର କୋହଲି ପରିବାର ସହ ଆଗୁଆ ଯାଇଛନ୍ତି ନାଁ ଛୁଟି କାଟିବାକୁ କୁଆଡ଼େ ଯାଇଛନ୍ତି ତାକୁ ନେଇ ଚର୍ଚ୍ଚା ହେଉଛି । କୁହାଯାଉଛି କି, ବିରାଟ ଏବେ ପରିବାର ପ୍ରଥମେ ଲଣ୍ଡନ ଯାଇଛନ୍ତି ଏବଂ ସେଠାରେ ସେ ଅଷ୍ଟ୍ରେଲିଆ ଗସ୍ତରେ ଯିବେ । ମାତ୍ର ଏକଥାରେ କେତେ ସତତ୍ୟା ରହିଛି ତାହା ସ୍ପଷ୍ଠ ହୋଇନାହିଁ ।

କହି ରଖୁଛୁ କି, ନଭେମ୍ବର ୨୨ରୁ ଭାରତ ଅଷ୍ଟ୍ରେଲିଆ ବିପକ୍ଷରେ ବର୍ଡର ଗାଭାସ୍କର ଟ୍ରଫି ଖେଳିବାକୁ ଯାଉଛି । ୫ ମ୍ୟାଚ ବିଶିଷ୍ଟ ସିରିଜ ଖେଳିବ ଟିମ ଇଣ୍ଡିଆ । ତେବେ ଏହି ସିରିଜ ପୂର୍ବରୁ ଯଦି ବିରାଟ ବାକି ମ୍ୟାଚର ରେକର୍ଡ ଉପରେ ନଜର ପକାଇବା ତାହେଲେ ବେଶ ଖରାପ ରହିଛି । ନିକଟରେ ନ୍ୟୁଜିଲାଣ୍ଡ ବିପକ୍ଷ ସିରିଜରେ ବିରାଟ ନୈରାଶ୍ୟଜନକ ପ୍ରଦର୍ଶନ କରିଥିଲେ ।