ଡ଼ିଭୋର୍ସ ମାଗୁଛନ୍ତି ଡ଼ିମ୍ପଲ, ଅଜ୍ଞାତ ସ୍ଥାନରେ ଚାଲିଛି ମୁଲଚାଲ୍..
1 min read
ନନ୍ଦିଘୋଷ ବ୍ୟୁରୋ: ଡିଭୋର୍ସ ପାଇଁ ଚାଲିଛି ମୁଲଚାଲ୍ । ଟଙ୍କା ବଦଳରେ ଡ଼ିଭୋର୍ସ ପାଇଁ ରାଜି । ଏ ଭିଡ଼ିଓ ଡିମ୍ପଲ-ସୁମିତ କେସରେ ଆଣିଛି ନୂଆ ମୋଡ଼ । ଭିଡ଼ିଓରେ ଲୁଚି ରହିଛି ଅନେକ ସାଙ୍ଘାତିକ କଥା । ୮ ଲକ୍ଷ ଦେଲେ ଡିଭୋର୍ସ ଦେବି ବୋଲି କହୁଛନ୍ତି ଖୋଦ ପତ୍ନୀ ତପସ୍ୱିନୀ ଦାସ ଓରଫ ଡ଼ିମ୍ପଲ । ସେପଟେ ସ୍ୱାମୀ ସୁମିତ ସାହୁ ପତ୍ନୀ ଡିମ୍ପଲଙ୍କ ପଛେ ପଛେ ଫୋନ ଧରି ରେକର୍ଡିଂ କରୁଥିବା ଦୃଶ୍ୟ ଦେଖିବାକୁ ମିଳିଛି । ଯଦିବା ଭିଡ଼ିଓରେ ସୁମିତଙ୍କ ମୁହଁ ଦେଖିବାକୁ ମିଳିନାହିଁ ତଥାପି ସ୍ୱର ହିଁ ତାଙ୍କର ବୋଲି ସ୍ପଷ୍ଟ ହେଇଛି ।
ସ୍ୱାମୀକୁ ପାଇଁ ଶ୍ୱଶୁର ଘର ଆଗରେ ଧାରଣାରେ ବସିଥିବା ତପସ୍ୱିନୀ ଦାସଙ୍କ ଭିଡ଼ିଓ ଏବେ ଘଟଣାରେ ନୂଆ ମୋଡ ଆଣିଛି । କୌଣସି ଅଜ୍ଞାତ ସ୍ଥାନରେ ଡ଼ିମ୍ପଲ ଫୋନ ଧରି ଏକ ଯୁବକଙ୍କ ସହ ଚାଟିଂ କରୁଥିବାବେଳେ ପାଖରେ ଅଛନ୍ତି ସ୍ୱାମୀ ସୁମିତ ସାହୁ । ଏହି ସମୟରେ ଉଭୟଙ୍କ ଭିତରେ ଝଗଡ଼ା ହେଉଥିବା ମଧ୍ୟ ସ୍ପଷ୍ଟ ହୋଇଛି । ମୋତେ ୮ଲକ୍ଷ ଦେଲେ ଡିଭୋର୍ସ କରିଦେବି । ତୋର ମୋର ଆଉ କିଛି ସମ୍ପର୍କ ରହିବନି । ମୁଁ ମୋ ବାଟରେ ଚାଲିଯିବି.. । ମୁଁ କେଉଁଠି ରହିବି ଏବଂ କଣ କରିବି ତାହା ଠିକ୍ କରିସାରିଥିବା କହିଛନ୍ତି ତପସ୍ୱିନୀ ।
ଟଙ୍କା ନମିଳିଲେ ତୋ ଫ୍ୟାମିଲକୁ ବରବାଦ କରିଦେବି । ଯେମିତି ମୋ ସହ ହୋଇଛି ସେମିତି କରିଦେବି ବୋଲି କହୁଛନ୍ତି ତପସ୍ୱିନୀ । ଯଦି ବା କେଉଁଠି ବିବାହ କରେ ବେଦୀରୁ ଉଠିକି ଆସିବି ବୋଲି ମଧ୍ୟ କହୁଥିବା ଭାଇରାଲ ଭିଡ଼ିଓରେ ଉଲ୍ଲେଖ ରହିଛି । ସେପଟେ ଏ ସମସ୍ତ ଘଟଣାକୁ ସୁମିତ ନିଜ ଫୋନରେ ରେକର୍ଡ଼ିଂ କରୁଥିବା ଜଣା ପଡ଼ିଛି । ତେବେ ଏହି ଭିଡ଼ିଓରେ କେତେ ସତ୍ୟତା ରହିଛି ଏବଂ ଏହା କେଉଁ ସମୟର ଭିଡ଼ିଓ ତାହା ଜଣାପଡ଼ିନାହିଁ । ତପସ୍ୱିନୀ ଓ ସୁମିତ ଆସ୍କା IBରେ ରହୁଥିବାବେଳର ଏହି ଭିଡ଼ିଓ ବୋଲି ଅନୁମାନ କରାଯାଉଥିବାବେଳେ ନନ୍ଦିଘୋଷ ଟିଭିରେ ପ୍ରତିକ୍ରିୟା ଦେଇ ଏହାକୁ ଖଣ୍ଡନ କରିଛନ୍ତି ତପସ୍ୱିନୀ ।
୮ ଲକ୍ଷ ଟଙ୍କା କାହିଁକି ଓ କେଉଁଥି ପାଇଁ ମାଗିଛନ୍ତି ତାହା ନନ୍ଦିଘୋଷ ଟିଭିରେ ସ୍ପଷ୍ଟୀକରଣ ରଖିଛନ୍ତି ଡ଼ିମ୍ପଲ । ମୋର ବିବାହ ପରେ ମୋ ବାପା ତାଙ୍କୁ ୮ ଲକ୍ଷ ଟଙ୍କା ଦେଇଥିଲେ । ବିବାହ ପରେ ମୋର ପାଠ ପଢିବା ନେଇ ଏହି ଟଙ୍କା ସୁମିତଙ୍କୁ ଦିଆଯାଇଥିଲା । କିନ୍ତୁ ମୋତେ ସୁମିତ୍ କିମ୍ବା ତାଙ୍କ ପରିବାର ପାଠ ପଢାଇ ନଥିଲେ । ତେଣୁ ପରବର୍ତ୍ତୀ ସମୟରେ ଏଥିପାଇଁ ଏହି ଟଙ୍କା ପ୍ରସଙ୍ଗ ଉଠିଥିବା କହିଛନ୍ତି ଡିମ୍ପଲ । ତେବେ ଏହି ଭିଡ଼ିଓରେ ଡ଼ିମ୍ପଲ ଜମେ ଯୁବକଙ୍କ ସହ ଚାଟିଂ କରିଥିବା ପ୍ରସଙ୍ଗ ଉଠାଇଛନ୍ତି ସ୍ୱାମୀ ସୁମିତ । ଏହି ବିବାଦ ଭିତରେ ସନ୍ଦିଗ୍ଧ ସଞ୍ଜୀତ୍ ବାରିକ କିଏ ବୋଲି ଭାଇରାଲ ଭିଡ଼ିଓରେ ପତ୍ୱୀ ତପସ୍ୱିନୀ ଦାସଙ୍କୁ ବାରମ୍ବାର ପ୍ରଶ୍ନ କରିଛନ୍ତି ସୁମିତ । କିନ୍ତୁ ଏହି ପ୍ରଶ୍ନର କୌଣସି ଉତ୍ତର ଡ଼ିମ୍ପଲ ଓରଫ ତପସ୍ୱିନୀ ଦାସ ରଖିନଥିବା ଦେଖିବାକୁ ମିଳିଛି । ତେବେ ଏଠି ବଡ଼ ତପସ୍ୱିନୀ ଚାର୍ଚ କରୁଥିବା ଯୁବକ ସଞ୍ଜୀତ୍ ବାରିକ କିଏ ?
