ବାହା ହେବା ପାଇଁ ଝିଅ ମିଳିଲେନି, କୁକର ହେଲା କନ୍ୟା !

ନନ୍ଦିଘୋଷ ବ୍ୟୁରୋ : ମୁସଲମାନ ଯୁବକଙ୍କ ବେଗମ୍ ସାଜିଛି କୁକର  । ଏବେ ଏପରି ଏକ ନିଆରା ବିବାହକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି। ଇଣ୍ଡୋନେସିଆରେ ଜଣେ ବ୍ୟକ୍ତି କୌଣସି ଯୁବତୀ ନୁହେଁ ବରଂ କୁକର ସହ ବିବାହ କରିଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଘୁରି ବୁଲୁଛି ।

ଭାଇରାଲ ହେଉଥିବା ଫଟୋରେ ଖୋରୁଲ ଅନମ ନାମକ ଯୁବକ ଏକ ଧଳା ରଙ୍ଗର ବର ପୋଷାକ ପିନ୍ଧିଛନ୍ତି  ଏବଂ ତାଙ୍କ ସହିତ କୁକରକୁ ମଧ୍ୟ କନିଆ ବେଶରେ ସଜାଯାଇଛି । ଅନମ ନିଜ ଜୀବନସାଥୀ ବନାଇଥିବା ବେଗମ୍ କୁକରକୁ ଗୋରୀ, ଆଜ୍ଞାକାରୀ, ସୁନ୍ଦର ଏବଂ ରୋଷେଇରେ ପାରଦର୍ଶୀ ବୋଲି ବର୍ଣ୍ଣନା କରିଥିଲେ । ହେଲେ ନିକାହର ୪ଦିନ ପରେ ତାଙ୍କ ବେଗମ୍ କେବଳ ଭାତ ହିଁ ରୋଷେଇ କରିପାରେ କହି ତଲାଖ ମଧ୍ୟ ନେଇ ସାରିଛନ୍ତି ।

ୟବାସ୍ତବରେ ଏହି ପୋଷ୍ଟ ଏବେ ସୋସିଆଲ ମିଡିଆରେ ଜଙ୍ଗଲରେ ନିଆଁ ଲାଗିବା ପରି ଭାଇରାଲ ହେଉଛି । କିନ୍ତୁ ଏହି ଘଟଣା ୨୦୨୧ ମସିହା ସେପ୍ଟେମ୍ୱରର  । ସେତେ ବେଳେ ଅମନ ନିଜ ଫେସବୁକରେ ନିଜ ନିକାହର ଫଟୋ ସେୟାର କରି  ସବୁଠି  ଚର୍ଚ୍ଚାର ବିଷୟ ପାଲଟିଥିଲେ । ଏହି ଘଟଣାକୁ ସ୍ଥାନୀୟ ମିଡିଆ ପବ୍ଲିସିଟି ସର୍ଟ ଭାବେ ପୋଷ୍ଟ କରାଯାଇଥିଲା । ଯେଉଁଥିରେ  ଲୋକଙ୍କ ଦୃଷ୍ଟି ଆକର୍ଷଣ କରିବା ଅମନଙ୍କ ମୁଖ୍ୟ ଉଦ୍ଦେଶ୍ୟ ଥିଲା  । ଅନ୍ୟପକ୍ଷେ  ଇଣ୍ଡୋନେସିଆରେ ଅମନ ଜଣେ ଚର୍ଚ୍ଚିତ ବ୍ୟକ୍ତି । ତାଙ୍କର ଏପରି ଅନେକ ଅଜବଗଜବ କାମ ପାଇଁ ସେ ସବୁ ବେଳେ ଚର୍ଚ୍ଚାରେ ଥାନ୍ତି ।