ତୈଳ ଦରକୁ ନେଇ ଜଳୁଛି କାଜଖସ୍ତାନ, ୪୮ ମୃତ

ନୂଆଦିଲ୍ଲୀ: ମଧ୍ୟ ଏସୀୟ ରାଷ୍ଟ୍ର କାଜଖସ୍ତାନରେ ଖୁନି ହିଂସା । ତୈଳ ଦର ବୃଦ୍ଧି ପ୍ରତିବାଦରେ ଆରମ୍ଭ ହୋଥିବା ବିକ୍ଷୋଭ ଏବେ ସାରାଦେଶରେ ନିଆଁ ଭଳି ବ୍ୟାପିଛି । ଦେଶର ଅଧିକାଂଶ ସ୍ଥାରେ ହିଂସା, ରକ୍ତପାତ ପରେ ରାଷ୍ଟ୍ରପତି ପୂରା ଦେଶରେ ଜରୁରୀକାଳୀନ ସ୍ଥିତି ଘୋଷଣା କରିଛନ୍ତି । ତେବେ ଏହି ହିଂସାରେ ସୁରକ୍ଷାକର୍ମୀଙ୍କ ଦ୍ୱାରା ଅନେକ ଆନ୍ଦୋଳନକାରୀଙ୍କ ମୃତ୍ୟୁ ହୋଇଛି । ସେହିପରି ଏହି ହିଂସାରେ ୧୨ ଜଣ ସୁରକ୍ଷାକର୍ମୀଙ୍କ ମୃତ୍ୟୁ ହୋଇଥିବା ସୂଚନା ରହିଛି । ବର୍ତ୍ତମାନ ସୁଦ୍ଧା ମୋଟ ୪୮ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ଏହି ମାମଲାରେ ବର୍ତ୍ତମାନ ସୁଦ୍ଧା ୨୦୦୦ ଲୋକଙ୍କୁ ଗିରଫ କରାଯାଇଛି ।

କାଜଖସ୍ତାନରେ ସ୍ଥିତି ଅତି ଗମ୍ଭୀର ହେଉଥିବା ବେଳେ ଋଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ ଶାନ୍ତିରକ୍ଷକ ସୈନ୍ୟକୁ ପଠାଇଛନ୍ତି । କାଜଖସ୍ତାନର ସବୁଠୁ ବଡ଼ ସହର ଅଲମାଟିରେ ରାଷ୍ଟ୍ରପତି ଭବନ, ମେୟରଙ୍କ ବାସଭବନ ଓ ଅନ୍ୟ କେତେକ ସରକାରୀ ଅଫିସ ଭଙ୍ଗାରୁଜା କରିଛନ୍ତି । ଗତ କିଛିଦିନ ଧରି ବିକ୍ଷୋଭ ଚାଲିଥିବା ବେଳେ ପୋଲିସ ପ୍ରଦର୍ଶନକାରୀ ମୁହାଁମୁହିଁ ହୋଇଥିଲେ । କାଜଖସ୍ତାନରେ ଭୀଷଣ ଥଣ୍ଡା ପଡୁଥିଲେ ବି ବିକ୍ଷୋଭକାରୀଙ୍କ ଉପରକୁ ପୋଲିସ ଓ୍ବାଟର କ୍ୟାନନ ମାଡ କରୁଥିବା ଦେଖାଯାଇଛି ।