ବାଣୀବିହାରରେ ବୁଲିଲା ଖଣ୍ଡା- ଭୁଜାଲି, ଆତାଙ୍କ ରଚାଇଲେ ଅଣଛାତ୍ରଙ୍କ

ଭୁବନେଶ୍ୱର: ବାଣୀବିହାରରେ ଆତଙ୍କ । ଉତ୍କଳ ବିଶ୍ୱବିଦ୍ୟାଳୟ କ୍ୟାମ୍ପସରେ ବୁଲିଲା ଖଣ୍ଡା ଓ ଭୁଜାଲି । ଆକ୍ରମଣ ପରେ କ୍ୟାମ୍ପସରେ ଅସ୍ୱାଭାବିକ ପରିସ୍ଥିତି ସୃଷ୍ଟି ହୋଇଛି । ଆକ୍ରମଣ ପରେ ଏଣେ ତେଣେ ଛାତ୍ରଛାତ୍ରୀ ଦୌଡୁଥିବା ଦେଖିବାକୁ ମିଳିଥିଲା ।  ମିଳିଥିବା ସୂଚନା ମୁତାୂବକ କଲେଜ କ୍ୟାମ୍ପସରେ  କିଛି ଅଣଛାତ୍ର ପ୍ରବେଶ କରିଥିଲେ  । ଉତ୍କଳ ବିଶ୍ୱ ବିଦ୍ୟାଳୟର କିଛି ଛାତ୍ରଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି ।

ଘଟଣା ପରେ ସହିଦନଗର ପୋଲିସ୍ ପହଞ୍ଚି ତଦନ୍ତ କରୁଥିବାବେଳେ ଆକ୍ରମଣ କରିଥିବା ଛାତ୍ରମାନେ ଫେରାର ହୋଇଯାଇଛନ୍ତି । ଘଟଣା ପରେ ବାଣୀବିହାର ଗେଟ ସମ୍ମୁଖରେ ଶତାଧିକ ଛାତ୍ରଛାତ୍ରୀ ଧାରଣା ଦେଇଛନ୍ତି । କ୍ୟାମ୍ପସରେ ଅଣଛାତ୍ରଙ୍କ ପ୍ରବେଶ ଓ ଗୁଣ୍ଡାରାଜ ବନ୍ଦ କରିବା ଦାବିରେ ବିକ୍ଷୋଭ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ । ଅଭିଯୁକ୍ତ ଗିରଫ ନହେବା ଯାଏଁ ଧାରଣା ଜାରି ରହିବ ବୋଲି ସେମାନେ ଚେତାବନୀ ଦେଇଛନ୍ତି ।