ନୂଆଦିଲ୍ଲୀ: ନେପାଳରେ ଭାରତୀୟ ରାଷ୍ଟ୍ରଦୂତ ବିନୟ ମୋହନ କ୍ୱାତ୍ରା ଭାରତର ନୂଆ ବୈଦେଶିକ ସଚିବ ଭାବରେ ପଦଭାର ଗ୍ରହଣ କରିଛନ୍ତି ।ବର୍ତ୍ତମାନର ବୈଦେଶିକ ସଚିବ ହର୍ଷବର୍ଦ୍ଧନ ଶ୍ରୀଙ୍ଗଲାଙ୍କୁ G-୨୦ ସମିଟର ସଂଯୋଜକ ଦାୟିତ୍ୱ ମିଳିପାରେ। ଆସନ୍ତା ୨୦୨୩ ନଭେମ୍ୱରରେ ନୂଆଦିଲ୍ଲୀରେ G-୨୦ ସମିଟର ଆୟୋଜନ କରାଯିବ ।
୧୯୮୮ ବ୍ୟାଚର IFS ଅଫିସର ବିନୟ ମୋହନ ପୂର୍ବରୁ ଫ୍ରାନ୍ସରେ ଭାରତର ରାଷ୍ଟ୍ରଦୂତ ଭାବେ କାର୍ଯ୍ୟଭାର ତୁଲାଇ ଆସୁଥିଲେ । କେବଳ ସେତିକି ନୁହେଁ ବରଂ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟାଳୟରେ ଯୁଗ୍ମ ସଚିବ ଭାବେ ଆମେରିକା, ପାକିସ୍ତାନ, ଇରାନ ଏବଂ ଆଫଗାନିସ୍ତାନ ପରି ଡେସ୍କରେ କାର୍ଯ୍ୟ କରିସାରିଛନ୍ତି। ଫ୍ରାନ୍ସରେ ରାଷ୍ଟ୍ରଦୂତ ନିଯୁକ୍ତ ହେବା ପୂର୍ବରୁ ସେ ପ୍ରଧାନମନ୍ତ୍ରୀ ମୋଦିଙ୍କ ସହ ଖୁବ୍ ନିକଟତର ହୋଇ କାମ କରିଛନ୍ତି । ଏହାକୁ ବାଦ୍ ଦେଲେ ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଏବଂ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ସହ ତାଙ୍କର ସମ୍ପର୍କ ଖୁବ୍ ନିବିଡ଼ ।
ଦୁଇ ବର୍ଷ ଧରି ବୈଦେଶିକ ସଚିବ ଦାୟିତ୍ୱ ତୁଲାଉଥିବା ୧୯୮୬ ବ୍ୟାଚର ଆଇଏଫଏସ ହର୍ଷବର୍ଦ୍ଧନ ଶ୍ରୀଙ୍ଗଲା ଆସନ୍ତା ଏପ୍ରିଲ ୩୦ ତାରିଖରେ ଅବସର ଗ୍ରହଣ କରିବେ। ନିଜ କାର୍ଯ୍ୟାକାଳ ସମୟରେ ଭାରତ ମହାସାଗରୀୟ କ୍ଷେତ୍ରରେ ବାଂଲାଦେଶ, ଭୂଟାନ ଏବଂ ଅନ୍ୟ ପଡୋଶୀ ରାଷ୍ଟ୍ର ସହ ସୁ ସମ୍ପର୍କ ସ୍ଥାପନ କରିବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
୨୦୨୦ ମସିହାରେ କରୋନାର କୁପ୍ରଭାବ ଚାଲିଥିବାବେଳେ ସେ ସେ ଭାରତୀୟ ବୈଦେଶିକ ନୀତିକୁ ଆଗକୁ ନେବାରେ ଏକ ପ୍ରମୁଖ ଭୂମିକା ଗ୍ରହଣ କରିଥିଲେ ।
