ପୂରଣ ହେଲା ବହୁଦିନର ଦାବି, ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ଚାନ୍ଦବାଲିବାସୀ

ଚାନ୍ଦବାଲି : ବହୁଦିନ ଧରି ଖାଲିପଡିଥିବା ଡାକ୍ତର ପଦବୀ ପୂରଣ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଲେ ଚାନ୍ଦବାଲିବାସୀ । ଡାକ୍ତର ନିଯୁକ୍ତି ପାଇଁ ବିଭିନ୍ନ ମହଲରେ ବାରମ୍ବାର ଦାବି ହେଉଥିଲା ।

ସ୍ୱାସ୍ଥ୍ୟ ରକ୍ଷା ପରି ଏକ ମୌଳିକ ଆବଶ୍ୟକତାକୁ ଲକ୍ଷ୍ୟ କରି ଚାନ୍ଦବାଲି ବ୍ଲକର ଧାମରା, ବାଂଶଡା ,ଘଣ୍ଟେଶ୍ୱର, ମତୋ ,ମାଧପୁର, ଓରାସାହି ଆଦି ବିଭିନ୍ନ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତର ନିଯୁକ୍ତ କରିଛନ୍ତି ମାନ୍ୟବର ମୁଖ୍ୟମନ୍ତ୍ରୀ । ନିଯୁକ୍ତି ପରେ ସମସ୍ତ ଡାକ୍ତର ନିଜର କାର୍ଯ୍ୟ ଆରମ୍ଭ କରିଥିବାରୁ ଅଞ୍ଚଳ ବାସୀ ଖୁସି ବ୍ୟକ୍ତ କରିଛନ୍ତି । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଚାନ୍ଦବାଲି ବିଧାୟକ ଡ଼ଃ ବ୍ୟମକେଶ ରାୟଙ୍କୁ କୃତଜ୍ଞତା ଜଣାଇଛନ୍ତି ।