ପାଣି ପାଇପ୍ ଡକାୟତଙ୍କୁ ଧରି ପୋଲିସ ଜିମା ଦେଲେ ଗ୍ରାମବାସୀ

1 min read

ଟାଙ୍ଗୀ: ପୁଣି ପାଣି ପାଇପ୍ ଡକାୟତଙ୍କୁ ଧରି ପୋଲିସ ଜିମ୍ମା ଦେଲେ ଗାଁ ଲୋକ । ଖୋର୍ଦ୍ଧା ଜିଲା ଟାଙ୍ଗୀ ଦୀକ୍ଷିତପଡ଼ା ଗାଁରେ ଗତକାଲି ବିଳମ୍ବିତ ରାତିରେ ପାଣି ସଂଯୋଗ ପାଇଁ ପାଇପ୍ ବିଛା ଯାଇଥିଲା । ହେଲେ ପାଇପ୍ ଲୁଟ୍ ପାଇଁ ୨୦ରୁ ଅଧିକ ସଶସ୍ତ୍ର ଡକାୟତ ଟ୍ରକ୍ ନେଇ ପହଞ୍ଚିଥିଲେ ଟାଙ୍ଗୀ ଦୀକ୍ଷିତପଡ଼ା ଗ୍ରାମରେ । ପାଣି ପାଇପକୁ ଲୋଡ୍ କରୁଥିବା ବେଳେ ଗାଁ ଲୋକ ଏକାଠି ହୋଇ ଡକାୟତଙ୍କୁ ଘେରି ନେଇଥିଲେ । ପୋଲିସ୍ ତୁରନ୍ତ ଘଟଣା ସ୍ଥଳରେ ପହଞ୍ଚି ଡକାୟତଙ୍କୁ କବଜାକୁ ନେଇଥିଲା । ଏହା ସହ ଗୋଟିଏ ଆଇଚର ଟ୍ରକ୍, ଗୋଟିଏ ଦାମୀ ବାଇକ୍ ଜବତ କରିଛି ପୋଲିସ । ଗତକାଲି ମଧ୍ୟ ଟାଙ୍ଗୀ କଲେଜ ପଡ଼ିଆରୁ ପାଣି ପାଇପ୍ ଲୁଟ୍ କରୁଥିବା ବେଳେ ଗାଁର ଯୁବକ ୮ ଜଣ ଡକାୟତଙ୍କ ସହ ୩ଟି ଆଇଚର ଟ୍ରକ୍ ଓ ଗୋଟିଏ ହାଇଡ୍ରାକୁ କାବୁ କରିଥିଲେ ।

[DISPLAY_ULTIMATE_SOCIAL_ICONS]