ଥାନାରେ ପଶି ପୋଲିସକୁ ଆକ୍ରମଣ ସହ ଭଙ୍ଗାରୁଜା କଲେ ଗ୍ରାମବାସୀ

ମୋହନା: ଥାନାରେ ପଶି ପୋଲିସକୁ ଆକ୍ରମଣ । ଗଜପତି ଜିଲ୍ଲା ମୋହନା ଅଡ଼ବା ଥାନାରେ ପଶି ପୋଲିସ କର୍ମଚାରୀଙ୍କୁ ଆକ୍ରମଣ କରିବା ସହ ଭଙ୍ଗାରୁଜା କରିଛନ୍ତି ଗାଁ ଲୋକ । ଗଞ୍ଜେଇ ଚୋରା ଚାଲାଣ ଅଭିଯୋଗରେ ଝରଣପୁର ଗ୍ରାମର ବିଶ୍ବନାଥ ଭୂୟାଁଙ୍କ ଘରେ ପଶି ଗଞ୍ଜେଇ ରଖିବା ଅଭିଯୋଗରେ ତାଙ୍କୁ ଗିରଫ କରିଥିଲା । ପ୍ରତିବାଦରେ ଆଜି ଅଡବା ଥାନାରେ ପଶି ଭଙ୍ଗାରୁଜା କରିଛନ୍ତି ଉତ୍ୟକ୍ତ ଲୋକେ ।

୨୦୦ରୁ ଅଧିକ ଲୋକ ଲୋକେ ଥାନାରେ ପଶିବା ଶହ ବ୍ୟାପକ ଭଙ୍ଗାରୁଜା କରିଛନ୍ତି । ମିଥ୍ୟା ମାମଲାରେ ଫସାଇ ଜଣଙ୍କୁ ଗିରଫ କରାଯାଇଥିବା ଗାଁ ଲୋକ ଅଭିଯୋଗ କରିଛନ୍ତି । ଖବର ପାଇ ଆର. ଉଦୟଗିରି ଏସଡିପିଓ, ମୋହନା ବିଡ଼ିଓ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଛନ୍ତି l ବର୍ତ୍ତମାନ ପର୍ଯ୍ୟନ୍ତ ଥାନା ଆଗରେ ଲୋକଙ୍କ ଧାରଣା ଜାରି ରହିଛି ।