ବିକାଶ ଦୁବେର ଏନକାଉଣ୍ଟର ଘଟଣାରେ ନୂଆ ମୋଡ଼

କାନପୁର: କାନପୁର ଉତ୍ତରପ୍ରଦେଶର ବହୁଚର୍ଚ୍ଚିତ ଅପରାଧୀ ବିକାଶ ଦୁବେକୁ ଏନକାଉଣ୍ଟର କରାଯାଇଛି । ଗତ ୩୦ ବର୍ଷ ଧରି ଆତଙ୍କବାଦ କରୁଥିବା ଏହି ଗ୍ୟାଙ୍ଗଷ୍ଟରକୁ ଶୁକ୍ରବାର ଦିନ ପୋଲିସ ଏନକାଉଣ୍ଟର କରିଛି । ନିଜ ନିଜ ରାଜ୍ୟରେ ଅପରାଧ ମାମଲା ବଢୁଥିବା ବେଳେ ଲୋକମାନେ ବିକାଶ ଦୁବେ ଏନକାଉଣ୍ଟରରେ ସନ୍ତୁଷ୍ଟ ହୋଇଛଅଥଇ ।

କିନ୍ତୁ ଅନେକ ଲୋକ ଅଛନ୍ତି ଯେଉଁମାନେ ପୋଲିସର ଏନକାଉଣ୍ଟର ଉପରେ ପ୍ରଶ୍ନ କରୁଛନ୍ତି । ତେଣୁ ଏହା ସ୍ପଷ୍ଟ ଜଣାପଡ଼ୁଛି ଯେ, ଆଗାମୀ ଦିନରେ ପୋଲିସ ଉପରେ ହତ୍ୟା ମାମଲା ରୁଜୁ କରାଯାଇ ଘଟଣାର ତଦନ୍ତ କରାଯିବ । କିନ୍ତୁ ଏଠାରେ ପ୍ରଶ୍ନ ଉଠୁଛି ଯେ, ପୋଲିସ ପ୍ରକୃତରେ ଆତ୍ମରକ୍ଷା ପାଇଁଲ ହିଁ ଗୁଳି ଚଳାଇଛି ତ ? ପୋଲିସକୁ ବର୍ତ୍ତମାନ କୋର୍ଟରେ ପ୍ରମାଣ କରିବାକୁ ପଡିବ ଯେ ଯଦି ସେମାନେ ଗୁଳି ନ ଚଳାଇ ଥାନ୍ତେ ତେବେ ସେମାନଙ୍କଠାରେ ଗୁଳି ବାଜିଥାନ୍ତା । ଆସନ୍ତୁ ପୁରା ପୋଲିସର ସୂଚନା ଅନୁସାରେ ପୂରା ଘଟଣାକୁ ଜାଣିବା ।

କେମିତ ହେଲା ଏନକାଉଣ୍ଟର ? କଣ କହୁଛି ପୋଲିସ ?

ପୋଲିସର ସୂଚନାନୁସାରେ, ଅଭିଯୁକ୍ତ ବିକାଶ ଦୁବେଙ୍କୁ ଏସଟିଏଫ୍ ଉତ୍ତରପ୍ରଦେଶ ଲକ୍ଷ୍ନୌ ଦଳ ଦ୍ୱାରା ପୋଲିସ୍ ଅଧୀକ୍ଷକ ତେଜ ବାହାଦୂର ସିଂଙ୍କ ନେତୃତ୍ୱରେ ସରକାରୀ ଗାଡ଼ି ମାଧ୍ୟମରେ ନିଆଯାଉଥିଲା । ଏହି ସମୟରେ କାନପୁରର ସଚେଣ୍ଡି ପୋଲିସ୍ ଷ୍ଟେସନ ଅଞ୍ଚଳର କହ୍ନେଇ ଲାଲ ହସ୍ପିଟାଲ ସେମାନଙ୍କ ସାମ୍ନାରେ ପହଞ୍ଚିବା ସମୟରେ ହଠାତ୍ ଏକ ଗାଈ ପଲ ରାସ୍ତାକୁ ପଳାଇ ଆସିଥିଲେ । ଦୀର୍ଘ ସମୟର ଯାତ୍ରାରେ କ୍ଳାନ୍ତ ଡ୍ରାଇଭର ଏହି ପଶୁମାନଙ୍କଠାରୁ ଦୁର୍ଘଟଣାକୁ ବଞ୍ଚିବା ପାଇଁ ହଠାତ୍ ତାଙ୍କ ଗାଡ଼ିକୁ ଅନ୍ୟଆଡେ ବୁଲାଇ ଦେଇଥିଲେ । ଯାହା ପରେ ଏହି ଗାଡି ଅନିୟନ୍ତ୍ରିତ ହୋଇ ଓଲଟି ପଡିଥିଲା ​ । ଏହି ଗାଡ଼ିରେ ବସିଥିବା ପୋଲିସ କର୍ମଚାରୀମାନେ ଗୁରୁତର ଆହତ ହୋଇଥିଲେ । ଏହି ସମୟରେ ବିକାଶ ଦୁବେ ହଠାତ୍ ପରିସ୍ଥିତିର ସୁଯୋଗ ନେଇ ଆହତ ଇନ୍ସପେକ୍ଟର ରାମକାନ୍ତ ପାଚୈରୀଙ୍କ ପିସ୍ତଲକୁ ଟାଣି ନେଇ ଦୁର୍ଘଟଣାଗ୍ରସ୍ତ ସରକାରୀ ଗାଡିରୁ ବାହାରି ଦୌଡ଼ିବାକୁ ଲାଗିଲେ । ଏହା ପରେ ପୋଲିସ ବିକାଶକୁ ଗୁଳି ଚଳାଇବାକୁ ବାଧ୍ୟ ହୋଇଥିଲା ।