ଭିଜିଲାନ୍ସ ଜାଲରେ ଯାଜପୁର ଆରଏମସି ମାର୍କେଟ ସରକାର, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ

ଯାଜପୁର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ । ଭିଜିଲାନ୍ସ ଜାଲରେ ଯାଜପୁର ନିୟନ୍ତ୍ରିତ ବଜାର କମିଟି ତଥା ଆରଏମସିର ମାର୍କେଟ ସରକାର ଗୟାଧର ସାହୁ । ଗୟାଧର ସାହୁଙ୍କ ବାସଭବନ ସହ ଯାଜପୁରର ୪ଟି ସ୍ଥାନରେ ଭିଜିଲାନ୍ସ ଚାଲିଛି ରେଡ୍ । ଯାଜପୁର ଚମ୍ପେଇପାଲରେ ଥିବା ଦୁଇ ମହଲା କୋଠା, ଯାଜପୁର ରାଉତରାପୁର ମୌଜାରେ ଥିବା ଦୁଇ ମହଲା କୋଠା ଓ ଏକ ମହଲା କୋଠାରେ ଚାଲିଛି ଚଢ଼ାଉ । ସେହିପରି ଯାଜପୁର ଟାଉନ ଥାନା ସନ୍ଥେଶ୍ବରପୁରରେ ଥିବା ଦୁଇ ମହଲା କୋଠା ସହ ଆରଏମସି କାର୍ଯ୍ୟାଳୟରେ ଚାଲିଛି ରେଡ୍ । ଗୟାଧରଙ୍କ ନାଁରେ ପୂର୍ବରୁ କୋର୍ଟରେ ଅଭିଯୋଗ ହୋଇଥିବା ବେଳେ କୋର୍ଟଙ୍କ ନିର୍ଦ୍ଦେଶ କ୍ରମେ ଭିଜିଲାନ୍ସ ରେଡ୍ ଜାରି ରହିଛି । ରେଡରେ ୩ ଜଣ ଡିଏସପି, ୬ ଇନସ୍ପେକ୍ଟର ସାମିଲ ହୋଇଛନ୍ତି ।