ଜଟଣୀ ପୌର ଅଧିକାରୀଙ୍କ ଘରେ ଭିଜିଲାନ୍ସ, ୧୦ଟି ସ୍ଥାନରେ ଚଢ଼ାଉ

ଭୁବନେଶ୍ବର: ଭିଜିଲାନ୍ସ ଜାଲରେ ଜଟଣୀ ପୌର ପରିଷଦର ନିର୍ବାହୀ ଅଧିକାରୀ ସୂର୍ଯ୍ୟମଣି ପାଟ୍ଟଯୋଶୀ । ଏକକାଳୀନ ୯ଟି ସ୍ଥାନରେ ଚଢ଼ାଉ କରୁଛି ଭିଜିଲାନ୍ସ ଟିମ । ଅଧିକାରୀଙ୍କ ଭୁବନେଶ୍ୱର ସ୍ଥିତ ବାସଭାବନ ଓ ଜଟଣୀ ପୌର ପରିଷଦ ଅଫିସ ପରିସରରେ ଚଢାଉ ଜାରି ରହିଛି ।

ଆଜି ସକାଳୁ ଭିଜିଲାନ୍ସର ୨ଟି ଟିମ୍ ଜଟଣୀ ପୌର ପରିଷଦ କାର୍ଯ୍ୟାଳୟରେ ପହଞ୍ଚି ଚଢାଉ ଜାରି ରଖିଛନ୍ତି । ପୂର୍ବରୁ ପୌର ପରିଷଦ କାର୍ଯ୍ୟନିର୍ବାହୀ ଅଧିକାରୀ ସୂର୍ଯ୍ୟମଣି ପାଟ୍ଟଯୋଶୀଙ୍କ ନାମରେ ଅନେକ ଅଭିଯୋଗ ରହିଥିଲା I ୨ ଜଣ ଡିଏସପିଙ୍କ ନେତୃତ୍ଵରେ ପହଞ୍ଚିଥିଲେ ଭିଜିଲାନ୍ସ ଟିମ୍ I ଭୁବନେଶ୍ବର, ବ୍ରହ୍ମପୁର ସମେତ ପ୍ରାୟ ୧୦ଟି ସ୍ଥାନରେ ଚଢାଉ ଜାରି ରହିଛି ।

ଗଞ୍ଜାମ ଜିଲ୍ଲା ସୋରଡ଼ା ଥାନା ଅନ୍ତର୍ଗତ ଚନ୍ଦ୍ରମଣି ସାହି ସ୍ଥିତ ତାଙ୍କ ତିନୋଟି ପୈତୃକ ଘରେ ଚଢ଼ାଉ ଚାଲିଛି । କଟକରୁ ଆସିଥିବା ଭିଜିଲାନ୍ସ ଟିମ ତିନୋଟି ଘରର ମାପ କରିବା ସହିତ ଯାଞ୍ଚ କରିଛନ୍ତି । ଏହାସହ ଧରାକୋଟ ବ୍ଲକ ସିଙ୍ଗିପୁର ଗ୍ରାମରେ ଥିବା ତାଙ୍କ ଭଉଣୀ ଘରେ ମଧ୍ୟ ଚଢ଼ାଉ ଚାଲିଛି ।

ଚଢ଼ାଉ ବେଳେ ସୂର୍ଯ୍ୟମଣିଙ୍କ ଘରୁ ଲକ୍ଷାଧିକ ଟଙ୍କା, ଏକ ଲକ୍ଷରୁ ଅଧିକ ଟଙ୍କାର ମୋବାଇଲ ଜବତ ।