କନଷ୍ଟେବଳ ବାବୁଙ୍କ ଘରେ ଭିଜିଲାନ୍ସ ରେଡ଼, ଠୁଳ କରିଥିଲେ ଅମାପ ସମ୍ପତ୍ତି

ବ୍ରହ୍ମପୁର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ । ଭିଜିଲାନ୍ସ ଜାଲରେ କନଷ୍ଟେବଳ । ଗଞ୍ଜାମ ଜିଲ୍ଲା ବ୍ରହ୍ମପୁର ଥାନାର କନଷ୍ଟେବଳ ସୁଦର୍ଶନ ପ୍ରଧାନଙ୍କ ଘରେ ଛାପା ମାରିଛି ଭିଜିଲାନ୍ସ । ଏକକାଳୀନ ୩ଟି ସ୍ଥାନରେ ଚଢାଉ କରୁଛି ଭିଜିଲାନ୍ସ । ବ୍ରହ୍ମପୁର ମେନ୍ ରୋଡରେ ଥିବା ଲୋଚାପଡାରେ ୩ମହଲା ବିଲଡ଼ିଂରେ ଚାଲିଛି ରେଡ଼  ।

ସେହିପରି ନିମଖଣ୍ଡିରେ ଥିବା ଘର, ଗଞ୍ଜାମ ଜିଲ୍ଲା ଭଞ୍ଜନଗରର ଗମୁଣ୍ଡିରେ ଥିବା ପୈତୃକ ଘରେ ଚାଲିଛି ରେଡ୍ । ଚଢାଉ ବେଳେ ନଗଦ ୫ଲକ୍ଷ ୧୬ହଜାର ୮୮୦ ଟଙ୍କା ଜବତ ହେଲାଣି । ଏବେବି ଚଢାଉ ଜାରି ରହିଛି । ଚଢାଉରେ ଜଣେ ଅତିରିକ୍ତ ଏସପି, ୨ଜଣ ଡିଏସପି ଓ ୫ଜଣ ଇନସ୍ପେକ୍ଟର ସାମିଲ ହୋଇଛନ୍ତି ।