ଭିଜିଲାନ୍ସ ଜାଲରେ ବାଙ୍ଗିରିପୋଷି ତହସିଲଦାର, କାରରୁ ଜବତ ହେଲା ୨ ଲକ୍ଷ ୫୬ ହଜାର ଟଙ୍କା

ମୟୂରଭଞ୍ଜ: ଭିଜିଲାନ୍ସ ଜାଲରେ ତହସିଲଦାର । ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ତହସିଲଦାର ଅଭିମନ୍ୟୁ ପଣ୍ଡାଙ୍କ ଘରେ ଚଢାଉ କରିଛି । ସୂଚନା ମୁତାବକ ତହସିଲଦାର ବାଙ୍ଗିରିପୋଷିରୁ ବାହାରି ଏକ କାରରେ ବାଲେଶ୍ଵର ଯାଉଥିବା ବେଳେ ନହରପାଟଣା ନିକଟରେ ଭିଜିଲାନ୍ସ ଟିମ ଚଢାଉ କରିଛି ।

ଚଢାଉ ସମୟରେ ତାଙ୍କ ଗାଡ଼ିରେ ଥିବା ଏକ ଵ୍ୟାଗରୁ ୨ ଲକ୍ଷ ୫୬ ହଜାର ୫୦୫ ଟଂକା ବାହାରିଥିବା ଜଣା ପଡିଛି। ଏହା ପରେ ତାଙ୍କ ପୈତୃକ ଘର ବୈଶିଙ୍ଗା ନିକଟରେ ଥିବା ଚୁଆପଦା ଗ୍ରାମରେ ଏବଂ ବାଲେଶ୍ବର ଘରେ ଚଢ଼ାଉ ଜାରି ରଖିଛି ଭିଜିଲାନ୍ସ ଟିମ ।