ସକାଳୁ ସକାଳୁ ଘରେ ପହଁଚିଲା ଭିଜିଲାନ୍ସ ଟିମ୍

ସମ୍ବଲପୁର: ସକାଳୁ ସକାଳୁ ଘରେ ପହଁଚିଲା ଭିଜିଲାନ୍ସ ଟିମ୍ । ସମଲେଶ୍ୱରୀ ମିଲ୍କ ୟୁନିଅନ୍ ଡେପୁଟି ମ୍ୟାନେଜର କିଶୋର ନାୟକଙ୍କ ଘରେ ଭିଜିଲାନ୍ସ କରୁଛି ଛାନଭିନ୍ । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଚାଲିଛି ଚଢାଉ । ଏକକାଳୀନ ୪ଟିସ୍ଥାନରେ ଏହି ରେଡ କରୁଛି ଭିଜିଲାନ୍ସ ଟିମ୍ । ସାକ୍ଷୀପଡାସ୍ଥିତ ଘର, ସାକ୍ଷୀପଡାସ୍ଥିତ ଅଫିସ, ପୁରୀ ସ୍ଥିତ ପୈତୃକ ଘର ଓ ଭୁବନେଶ୍ୱରରେ ଚାଲିଛି ଏକକାଳୀନ ରେଡ ।

ସେହିପରି ଭିଜିଲାନ୍ସ ଜାଲରେ କନ୍ଧମାଳ ଜିଲ୍ଲା କେ . ନୂଆଗାଁ ରେଞ୍ଜ ଅଫିସର ବୈରାଗୀ ଚରଣ ବେହେରା । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୭ଟି ସ୍ଥାନରେ ୪ଜଣ ଡିଏସପି , ୭ ଇନସ୍ପେକ୍ଟର ଓ ଅନ୍ୟ ଷ୍ଟାଫ୍ ଚଢାଉ କରୁଛନ୍ତି । ଗଞ୍ଜାମ , କନ୍ଧମାଳ ଓ ବୌଦ୍ଧରେ ଚାଲିଛି ରେଡ୍ । କେ ନୂଆଗାଁ ସ୍ଥିତ ସରକାରୀ କ୍ବାର୍ଟର, ଅଫିସ, ଭଞ୍ଜନଗର ଲାଣ୍ଡେଇସାହିରେ ଥିବା ଘର, ଦାଦରଲୁଣ୍ଡାରେ ଥିବା ଫାର୍ମ ହାଉସ , ବୌଦ୍ଧ ଭୁଟ୍ଟାପଲ୍ଲୀରେ ଥିବା ଘର, ଗଞ୍ଜାମ ଗହ୍ଗାପୁରରେ ଥିବା ୨ଜଣ ସମ୍ପର୍କୀୟଙ୍କ ଘରେ ଚାଲିଛି ଚଢାଉ ।