ପ୍ରଧାନମନ୍ତ୍ରୀ ଆବାସ ଓ ବିଜୁ ପକାଘର ଯୋଗାଇଦେବା କହି ଲୁଟୁଥିଲେ ଟଙ୍କା
ପୁରୀ: ଭିଜିଲାନ୍ସ ଜାଲରେ ଜିଆରଏସ୍ ବାବୁ । ଆବାସ କରାଇଦେବା କହି ଛାଣି ନେଉଥିଲେ ଟଙ୍କା । ସତ୍ୟବାଦୀ ବ୍ଲକ ଶୁକଳ ପଞ୍ଚାୟତର ଜିଆରଏସ୍ ଛବିନାରାୟଣ ପଣ୍ଡା । ୫ହଜାର ୧୦ ହଜାର କରି ହିତାଧିକାରୀଙ୍କ ଠାରୁ ନେଇଥିଲେ ଟଙ୍କା । ଏ ନେଇ ଖବର ପାଇବା ପରେ ଭିଜିଲାନ୍ସ ଚଢ଼ାଉ କରିଥିଲା ।
ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ଆବାସ ଯୋଜନା କରାଇ ଦେବା ପାଇଁ ପଞ୍ଚାୟତର ବାଁବରଡା ଗାଁର ଇନ୍ଦ୍ରମଣୀ ପଣ୍ଡା ଙ୍କଠାରୁ ଟଙ୍କା ନେଉଥିଲେ ଜିଆରଥଏସ୍ ବାବୁ । ପ୍ରଥମେ ୫ହଜାର ଟଙ୍କା ଏବଂ କାର୍ଯ୍ୟଦେସ ପାଇବା ପରେ ଆଉ ୧୦ହଜାର ଟଙ୍କା ଦେବାକୁ ଦାବୀକରିଥିଲା ଜିଆରଏସ ।
ଏହିଭଳି ଭାବରେ ଜିଆରଏସ୍ ଛବିନାରାୟଣ ପଣ୍ଡା ଶୁକଳ ପଞ୍ଚାୟତର ଦିର୍ଘ ୬ବର୍ଷ ହେଲା ପ୍ରଧାନମନ୍ତ୍ରୀ ଆବାସ ଓ ବିଜୁପକାଘର ଏନଆରଜିସ ଟଙ୍କା ଲୁଟୁଥିବା ବାରମ୍ବାର ଅଭିଯୋଗ ହୋଇଥିଲା । ଯାହାକୁ ନେଇ ଆଜି ୫ହଜାର ଟଙ୍କା ନେଉଥିବା ବେଳେ ଭିଜିଲାନ୍ସ ଧରିଥିଲା ।
