ଭିଜିଲାନ୍ସ ଜାଲରେ ପୂର୍ବତନ ଏଆରସିଏସ, ଏକକାଳୀନ ୬ଟି ସ୍ଥାନରେ ଚଢ଼ାଉ

ବ୍ରହ୍ମଗିରି: ଭିଜିଲାନ୍ସ ଜାଲରେ ପୁରୀର ପୂର୍ବତନ ଏଆରସିଏସ ରାଜକିଶୋର ପରିଡ଼ା । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଗୋପିନାଥପୁରର ତାଙ୍କ ବାସଗୃହ ସମେତ ଏକକାଳୀନ ୬ଟି ସ୍ଥାନରେ ଚଢାଉ କରିଛି ଭିଜିଲାନ୍ସ । ବ୍ରହ୍ମଗିରି ଖଟଫିରିଙ୍ଗିରେ ଥିବା ସିମେଣ୍ଟ ଓ ଇଟା କାରଖାନା, ଅଲାରନାଥ କଲେଜ ନିକଟରେ ଥିବା ଦୁଇ ମହଲା କୋଠା ଘର, ଆଠଗଡ଼ରେ ଥିବା ତାଙ୍କ ପୁଅର ଶ୍ବଶୁର ଘର ଓ ବାରିପଦାରେ ତାଙ୍କ ପୁଅ ଘରେ ଚଢାଉ କରିଛି ଭିଜିଲାନ୍ସ ।

ରାଜକିଶୋରଙ୍କ ନାମରେ ଅନେକ ଅଭିଯୋଗ ରହିଛି । ପୁରୀର ସମବାୟ ସମିତିରେ ସମ୍ପାଦକ ନିଯୁକ୍ତିରେ ବ୍ୟାପକ ଦୁର୍ନୀତି କରିଥିବା ଅଭିଯୋଗ ରହିଛି । ଏହାସହ ପୁରୀରେ ଏକ ପଞ୍ଚତାରକା ହୋଟେଲରେ ସେୟାର ଥିବା ଅଭିଯୋଗ ହୋଇଛି ।