ଭିଜିଲାନ୍ସ ଜାଲରେ ଜଗତସିଂହପୁର ଡେପୁଟି କଲେକ୍ଟର , ଏକକାଳୀନ ୯ଟି ସ୍ଥାନରେ ରେଡ୍
1 min read
ଭୁବନେଶ୍ବର : ଭିଜିଲାନ୍ସ ଜାଲରେ ଜଗତସିଂହପୁର ଡେପୁଟି କଲେକ୍ଟର । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚିତ୍ତରଞ୍ଜନ ପିଲାଙ୍କ ଘରେ ଭିଜିଲାନ୍ସ ଚଢ଼ାଉ କରିଛି । ଏକକାଳୀନ ୯ଟି ସ୍ଥାନରେ ଚାଲିଛି ରେଡ୍ । ମଞ୍ଚେଶ୍ବର ଗାଡକଣ ସ୍ଥିତ ସ୍ପେଶ୍ ଟାଉନ ଆପାର୍ଟମେଣ୍ଟର ଦ୍ବିତୀୟ ମହଲା ବ୍ଲକ୍-ବି ୨୦୭ ଫ୍ଲାଟ୍ରେ ଚଢ଼ାଉ ହୋଇଛି । ରଙ୍ଗମାଟିଆ ହର୍ଷପ୍ରୀୟା ଏନକ୍ଲେଭର ୧୦୧ ନମ୍ବର ଫ୍ଲାଟ୍ରେ ଚଢ଼ାଉ ହୋଇଛି ।
ଭରତପୁର ନୂଆଗାଁରେ ଥିବା ଫ୍ଲାଟ୍ରେ ଚଢ଼ାଉ ଚାଲିଛି । ବାଲେଶ୍ବର ସୁନାହାଟରେ ଥିବା ଦୁଇଟି ଫ୍ଲାଟ୍, ବାଲିଆପାଳ ଇଘାଟରେ ଥିବା ପୈତୃକ ଘର, ସୋନପୁର ଟାଉନରେ ଥିବା ଦୁଇ ମହଲା କୋଠା, ଜଗତସିଂହପୁରରେ ଥିବା ଘର ଓ ଅଫିସରେ ଚାଲିଛି ଭିଜିଲାନ୍ସ ରେଡ୍ । ରେଡ୍ରେ ୨ ଡିଏସପି, ୧୪ ଇନସ୍ପେକ୍ଟରଙ୍କ ସହ ୬ ଜଣ ଏଏସଆଇ ସାମିଲ ହୋଇଛନ୍ତି ।
