GST ଅଫିସରଙ୍କ ଘରେ ଭିଜିଲାନ୍ସ ଚଢ଼ାଉ ଘଟଣା, ଦେଢ଼ କୋଟି ଟଙ୍କାର ସମ୍ପତ୍ତିଠାବ
ରାଉରକେଲା: ଆୟ ବର୍ହିଭୁତ ସଂପତ୍ତି ଠୁଳ ଅଭିଯୋଗରେ ରାଉରକେଲା ଜିଏସ୍ଟି ଅଫିସର ଅଲେଖ ମହାନନ୍ଦଙ୍କ ଘରେ ଭିଜିଲାନ୍ସ ଚଢ଼ାଉ ଘଟଣା । ଏକ କୋଟି ୩୪ ଲକ୍ଷ ଟଙ୍କାର ସମ୍ପତ୍ତି ଠାବ । ଗୋଟିଏ ଘର ୬୮ ଲକ୍ଷ ୭୧ ହଜାର, ଆଉ ଗୋଟିଏ ଘର ୧୯ଲକ୍ଷ ୫୭ ହଜାର ବୋଲି ଜଣାପଡ଼ିଛି । ଦୁଇଟି ପ୍ଲଟ୍ ୭ ଲକ୍ଷ ୮୨ ହଜାର, ଗୋଟିଏ କାର ୫ଲକ୍ଷ । ବ୍ୟାଙ୍କ ଜମା ୮ଲକ୍ଷ ୫୬ ହଜାର, ଵୀମା ଜମା ୬ଲକ୍ଷ ୩୫ ହଜାର, ସୁନା ୯ ଲକ୍ଷ ୫୨ ହଜାର ଓ ଘରକରଣା ସାମଗ୍ରୀ ୭ ଲକ୍ଷ ୩୮ ହଜାର ଟଙ୍କା ହେବ ବୋଲି ଅନୁମାନ କରଯାଇଛି ।
ଭିଜିଲାନ୍ସ ବିଭାଗ ପକ୍ଷରୁ ଛେଣ୍ଡ କଲୋନୀ ଘର, ମଙ୍ଗସପୁର, ଚକ୍ରପୁର ଓ ଅଫିସରେ ଭିଜିଲାନ୍ସ ଚଢାଉ କରାଯାଇଥିଲା । ଆୟ ବର୍ହିଭୁତ ସଂପତ୍ତି ଠୁଳ କରିଥିବା ଅଭିଯୋଗରେ ଭିଜିଲାନ୍ସ ବିଭାଗର ୪ଟି ଟିମ୍ ଏକ ସମୟରେ ୪ଟି ସ୍ଥାନରେ ଚଢାଉ କରିଥିଲେ । ଅଧିକ ତଦନ୍ତ ଜାରି ରହିଥିବା ରାଉରକେଲା ଭିଜିଲାନ୍ସ ଏସପି ସୁବାସ ଚନ୍ଦ୍ର ସ୍ୱାଇଁ ଏହି ସୁଚନା ଦେଇଛନ୍ତି ।
