ପ୍ରଦୀପଙ୍କ ବେଙ୍ଗାଳୁରୁ ସମ୍ପତ୍ତି ନେଇ ଖୋଳତାଡ଼ କରୁଛି ଭିଜିଲାନ୍ସ SIT
ବେଙ୍ଗାଳୁରୁ: ଖୋଲୁଛି ପ୍ରଦୀପ ପାଣିଗ୍ରାହୀଙ୍କ କେଳେଙ୍କାରୀ ଗୁମର । କେବଳ ରାଜ୍ୟ ନୁହେଁ, ରାଜ୍ୟ ବାହାରକୁ ଲମ୍ବିଛି ଜାଲିଆତିର ଜାଲ କାରନାମା । ରାଜ୍ୟ ପରେ ଏବେ ରାଜ୍ୟ ବାହାରକୁ ଟାର୍ଗେଟ କରିଛି ଭିଜିଲାନ୍ସ । ବାହାରେ କେତେ କଣ ଲୁଚାଇ ରଖିଛନ୍ତି ବିଧାୟକ ପ୍ରଦୀପ ତାର ଏବେ ଖୋଳତାଡ଼ ଆରମ୍ଭ ହୋଇଛି । ଭିଜିଲାନ୍ସ ଏସ୍ଆଇଟି ବେଙ୍ଗାଳୁରୁରେ ପ୍ରଦୀପଙ୍କ ସମ୍ପତ୍ତି ନେଇ ଖୋଳତାଡ଼ କରୁଛି ।
କେଳେଙ୍କାରୀରେ ସାମିଲ ଥିବା ଗୋଟିଏ ବି ପ୍ରମାଣକୁ ହାତଛଡ଼ା କରିବାକୁ ଚାହୁଁନି ଭିଜିଲାନ୍ସ । ସେଠାରେ କିଛି ବେନାମୀ ସମ୍ପତ୍ତି ଥିବାର ସୁରାକ୍ ପାଇଛି ଭିଜିଲାନ୍ସ । ସେ ସମ୍ପର୍କରେ ତନାଘନା ଚାଲିଛି । ପ୍ରଦୀପ ଓ ତାଙ୍କ ସହଯୋଗୀ ବିପୁଳ ପରିମାଣର ଜମି କିଣିଥିବା ନେଇ ସୂଚନା ମିଳିଛି । ଏଥିସହ ହୋଟେଲ୍ ବ୍ୟବସାୟରେ ମଧ୍ୟ ଅଂଶୀଦାର ଥିବା ଜଣାପଡିଛି । ଗତ ୨ ଦିନ ହେଲା ବେଙ୍ଗାଳୁରୁରେ ତଦନ୍ତ କରୁଛି ଟିମ୍ ।
