ଜେଇ ଭୀମସେନ ମହାରଣାଙ୍କ ବାସଭବନରେ ଭିଜିଲାନ୍ସ ରେଡ

ଭୁବନେଶ୍ବର : ଯାଜପୁର ଜିଲ୍ଲା ଜାରକା ଆରଡି ଡିଭିଜନ ଜେଇ ଭୀମସେନ ମହାରଣାଙ୍କ ବାଲିଅନ୍ତା ସ୍ଥିତ ବାସଭବନରେ ରେଡ । ବାଲିଅନ୍ତା ଥାନା ବ୍ରାହ୍ମଣ ଷଡଙ୍ଗୀ ସ୍ଥିତ ତାଙ୍କ ବାସଭବନରେ ଆଜି ଭିଜିଲାନ୍ସର ୧୨ ଜଣିଆ ଟିମ୍ ଚଢାଉ କରୁଛି । ଘରେ ଥିବା ସମସ୍ତ କାଗଜପତ୍ର ଯାଞ୍ଚ କରୁଛି ଭିଜିଲାନ୍ସ ଚିମ୍ । ଜେଇ ଘରେ ଏକ ଫର୍ଣ୍ଣିଚର ଦୋକାନ ରହିଛି। ଏଥିପାଇଁ ବାଲିପାଟଣା ରେଞ୍ଜ ଅଫିସରଙ୍କୁ ମଧ୍ୟ ଭିଜିଲାନ୍ସ ପକ୍ଷରୁ ସୂଚନା ଦିଆଯାଇଛି। ଗତକାଲି ଜଣେ କଣ୍ଟ୍ରାକଟରଙ୍କଠାରୁ ଲାଞ୍ଚ ନେଇଥିବାର ସୂଚନା ପାଇବା ପରେ ତାଙ୍କୁ ଧରିଛି ଭିଜିଲାନସ। କଟକ ଟାଙ୍ଗୀ ଟୋଲ୍ ଗେଟ୍ ନିକଟରେ ଭିଜିଲାନସର ଏକ ଟିମ୍ ଭୀମସେନ ମହାରଣାକୁ ଅଟକାଇଥିଲା। ସେ ନିଜ ଗାଁକୁ ଯାଉଥିବା ବେଳେ ଧରାପଡ଼ିଛନ୍ତି । ତାଙ୍କ ଗାଡ଼ିରୁ ୨ ଲକ୍ଷରୁ ଅଧିକ ଟଙ୍କା ଜବତ ହୋଇଛି। ଏହି ଟଙ୍କାର ସୂତ୍ର ସେ କହିପାରିନଥିଲେ। ତାଙ୍କ ହୁଣ୍ଡାଇ କାର୍ କୁ ବି ଜବତ କରାଯାଇଛି ।