ଲାଞ୍ଚ ନେଉଥିଲେ ପୋଲିସ ବାବୁ; ମାଡ଼ିବସିଲା ଭିଜିଲାନ୍ସ

ବରଗଡ଼ : ଏକ ମାମଲା ରଫା ଦଫା କରିବାକୁ ଲାଞ୍ଚ ନେଉଥିଲେ ପୋଲିସ ବାବୁ । ମାଡ଼ି ବସିଲା ଭିଜିଲାନ୍ସ । ତାଙ୍କ ପାଖରୁ ୭ ହଜାର ଟଙ୍କା ଜବତ ହୋଇଛି । ଏହି ଘଟଣା ହେଉଛି ବରଗଡ଼ ଜିଲ୍ଲା ବିଜେପୁର ଥାନାର । ଏସଆଇ ଜଗା ବରିହା ଲାଞ୍ଚ ନେବା ବେଳେ ଭିଜିଲାନସ ହାତରେ ଧରାପଡ଼ିଛନ୍ତି । ଜଣେ କବାଡ଼ିବାଲାଠାରୁ ସେ ୭ ହଜାର ଟଙ୍କା ନେଉଥିଲେ । ବେପାର କରିବାକୁ ଅନୁମତି ଦେବା ପାଇଁ ଓ କୌଣସି ମାମଲା ରୁଜୁ ନ କରିବାକୁ ପୋଲିସ ବାବୁ ଜଣକ ମାଗିଥିଲେ ୧୦ ହଜାର ଟଙ୍କା।

୭ହଜାର ଟଙ୍କାରେ କଥା ଛିଣ୍ଡିଥିଲା। ଏ ସଂପର୍କରେ ଭିଜିଲାନ୍ସକୁ ଜଣାଇଥିଲେ ସଂପୃକ୍ତ ଅଭିଯୋଗକାରୀ । ଲାଞ୍ଚ ନେବା ବେଳେ ଜଗା ବରିହାଙ୍କୁ ଧରିଛି ଭିଜିଲାନ୍ସ । ଆୟ ବହିର୍ଭୁତ ସଂପତ୍ତି ଠୁଳ ଅଭିଯୋଗରେ ୩ ଟି ଜାଗାରେ ରେଡ୍ କରାଯାଉଛି ।