ଶ୍ରୀମନ୍ଦିର ସୁରକ୍ଷାକୁ ନେଇ ପୁଣି ପ୍ରଶ୍ନବାଚୀ, ବେଢ଼ା ଭିତରର ଦୃଶ୍ୟ ଭାଇରାଲ୍

ପୁରୀ ଶ୍ରୀମନ୍ଦିର ଚତୁର୍ପାଶ୍ୱର ଭିଡିଓ ଡ୍ରୋନରେ କଏଦ୍ ହେବା ଘଟଣାର ୨୪ ଘଣ୍ଟା ନପୁରୁଣୁ ପୁଣି ଏକ ବିବାଦୀୟ ଭିଡିଓ ସାମ୍ନାକୁ ଆସିଛି । ଏଥର ମହାପ୍ରଭୁ ଶ୍ରୀ ଜଗନ୍ନାଥଙ୍କ ମନ୍ଦିରର ଭିତର ବେଢ଼ାର ଦୃଶ୍ୟ କଏଦ୍ ହୋଇଛି କ୍ୟାମେରାରେ । ଟିକଟକ ଏ ଦୁଇଟି ଭିଡିଓକୁ କେହି ଜଣେ ସେୟାର କରିବା ପରେ ଏହା ଭାଇରାଲ୍ ହୋଇଛି । ଶ୍ରୀମନ୍ଦିର ଭିତର ଭିଡିଓ ସହ ଆନନ୍ଦ ବଜାରରେ ଅବଢ଼ା ଖାଉଥିବା ଦୃଶ୍ୟ ଏଥିରେ ରହିଛି । ସେହିଠାରୁ ହିଁ କେହି ଭିଡିଓ କରିଥାଇପାରେ ବୋଲି ଅନୁମାନ୍ କରାଯାଉଛି । କେହି ଭିତରକୁ ମୋବାଇଲ୍ ନେଇ ଏଭଳି କରିଥିବା ଜଣାପଡ଼ିଛି । ଶ୍ରୀମନ୍ଦିରକୁ ମୋବାଇଲ୍ ଫୋନ୍ ବ୍ୟାନ୍ ଥିବା ବେଳେ ମନ୍ଦିର ଭିତରକୁ ମୋବାଇଲ୍ ଗଲା କେମିତି ? ଶ୍ରୀମନ୍ଦିରର ଚାରି ଦ୍ୱାରରେ ପୋଲିସ ମୋବାଇଲ୍ ଫୋନ୍ ନେବାକୁ ବାରଣ କରିବା ସହ ଜୋରଦାର ଚେକିଂ କରୁଥିବା ବେଳେ ଏଭଳି ଭିଡିଓ ହେଲା କିଭଳି ? ପୋଲିସର ଢିଲା କାରଣରୁ ଏଭଳି ହୋଇଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।

puei temple

ମନ୍ଦିର ଭିତରର ଦୃଶ୍ୟ କ୍ୟାମେରାରେ କଏଦ୍ ହେବା ପରେ ସୁରକ୍ଷା ବ୍ୟବସ୍ଥା ସହ ଭିନ୍ନ ଭିନ୍ନ ଦିଗକୁ ଅଙ୍ଗୁଳି ଉଠୁଛି । ବାରମ୍ବାର ପୁରୀରେ ଏଭଳି ଘଟଣା ଘଟୁଥିଲେ ମଧ୍ୟ ଏଥିପ୍ରତି କାହାରି ନିଘା ରହୁନଥିବା ଭଳି ମନେହେଉଛି । ପୁରୀକୁ ସବୁବେଳେ ଆତତାୟୀ ଓ ଆତଙ୍କବାଦୀ ଟାର୍ଗେଟ କରୁଥିବା ବେଳେ ସୁରକ୍ଷା ସର୍ବଦା ପ୍ରାଥମିକତା ହୋଇଛି ।

ଏଭଳି ସ୍ଥିତିରେ ଟିକଟକରେ ମନ୍ଦିରର ଭିତର ଭିଡିଓ ଆସିବା ଏବଂ ଡ୍ରୋନରେ ପୁରା ମନ୍ଦିରର ଚତୁର୍ପାଶ୍ୱ କଏଦ ହେବା ବହୁ ପ୍ରଶ୍ନ ସୃଷ୍ଟି କରୁଛି । ତେବେ ଏହାକୁ ତୁରନ୍ତ ହଟାଯିବା ସହ ସିସିଟିଭି ଯାଞ୍ଚ କରି କିଏ ଏଭଳି କରିଛି ତାର ତଦନ୍ତ କରିବାକୁ ଦାବି ହୋଇଛି । ')}

Leave a Reply

Your email address will not be published.