ନନ୍ଦିଘୋଷ ବ୍ୟୁରୋ : ସି.ପି. ରାଧାକ୍ରିଷ୍ଣନ ଏନଡିଏର ଉପରାଷ୍ଟ୍ରପତି ପ୍ରାର୍ଥୀ ଘୋଷଣା। ବର୍ତ୍ତମାନ ମହାରାଷ୍ଟ୍ର ରାଜ୍ୟପାଳ ଅଛନ୍ତି ରାଧାକ୍ରିଷ୍ଣନ। ରାଧାକ୍ରିଷ୍ଣନଙ୍କ ନାଁ ଘୋଷଣା କଲେ ବିଜେପି ସଭାପତି ଜେପି ନଡ୍ଡା। ଗତ ୨୦୨୪ ଜୁଲାଇ ୨୭ରେ ସେ ମହାରାଷ୍ଟ୍ର ରାଜ୍ୟପାଳ ଭାବେ ଦାୟିତ୍ବ ନେଇଥିଲେ। ସେ ତେଲଙ୍ଗାନା, ଝାଡ଼ଖଣ୍ଡ ଓ ପୁଦୁଚେରୀର ଲେଫ୍ଟନାଣ୍ଟ ଗଭର୍ଣ୍ଣର ବି ଥିଲେ। ତାମିଲନାଡୁ ବାସିନ୍ଦା ସି.ପି. ରାଧାକ୍ରିଷ୍ଣନଙ୍କ ନାଁ ଉପରେ ବିଜେପି ସଂସଦୀୟ ଦଳ ବୈଠକରେ ଲାଗିଛି ମୋହର। ଚନ୍ଦ୍ରପୁରମ ପୋନୁସାମୀ ରାଧାକ୍ରିଷ୍ଣନଙ୍କ ଦୀର୍ଘ ରାଜନୈତିକ କ୍ୟାରିଅର ରହିଛି। ସେ ଯୁବାବସ୍ଥାରୁ ଆରଏସଏସ ଓ ଜନସଂଘ ସହ ସମ୍ପର୍କିତ ଥିଲେ। ସେ ୧୯୯୬ ଓ ୧୯୯୮ରେ ଲୋକସଭାରେ ଦୁଇଥର ଲାଗି ସାଂସଦ ଥିଲେ। ସେ ଜାତିସଙ୍ଘ ସାଧାରଣ ଆସେମ୍ବ୍ଲିରେ ଭାରତର ପ୍ରତିନିଧିତ୍ବ ବି କରିଥିଲେ। ସେ ୨୦୦୪ରୁ ୨୦୦୭ ତାମିଲନାଡୁର ବିଜେପି ସଭାପତି ଥିଲେ। ୨୦୨୦ରେସେ କେରଳ ଲାଗି ବିଜେପି ପ୍ରଭାରୀ ହୋଇଥିଲେ।
