ଆଜି ଉପରାଷ୍ଟ୍ରପତି ନିର୍ବାଚନ ; କିଏ ଚାଖିବେ ବିଜୟର ସ୍ବାଦ ?

ନନ୍ଦିଘୋଷ ବ୍ୟୁରୋ: ଆଜି ଉପରାଷ୍ଟ୍ରପତି ନିର୍ବାଚନ । କିଏ ହେବେ ଉପରାଷ୍ଟ୍ରପତି ତାହାକୁ ନେଇ କଳ୍ପନାଜଳ୍ପନା । ଉପରାଷ୍ଟ୍ରପତି ପଦରୁ ଜଗଦୀପ ଧନଖଡ଼ଙ୍କ ଇସ୍ତଫା ପରେ ଏହି ନିର୍ବାଚନ ହେଉଛି । ଏହା ହେବ ଦେଶର ସପ୍ତଦଶ ଉପରାଷ୍ଟ୍ରପତି ନିର୍ବାଚନ । ୧୯୮୭ ପରେ ପ୍ରଥମ ଥର ଲାଗି ଉପରାଷ୍ଟ୍ରପତି ପଦ ଲାଗି ଦ୍ବିତୀୟ ଥର ନିର୍ବାଚନ ହେବ । ଏହି ନିର୍ବାଚନରେ ଲୋକସଭା ଓ ରାଜ୍ୟସଭା ସାଂସଦମାନେ ଭୋଟ ଦେବେ । ରାଜ୍ୟସଭାର ମନୋନୀତ ସାଂସଦ ବି ଭୋଟ ଦେବେ । ସିକ୍ରେଟ ବାଲଟ ବ୍ୟବସ୍ଥାରେ ଏହି ଭୋଟ ହେବ ।

ରାଷ୍ଟ୍ରପତି ଓ ଉପରାଷ୍ଟ୍ରପତି ନିର୍ବାଚନ ଆଇନ ୧୯୫୨ ଅନୁସାରେ ଏହି ନିର୍ବାଚନ ଅନୁଷ୍ଠିତ ହେବ । ସଂସଦ ଭବନର ପ୍ରଥମ ମହଲାରେ ଥିବା ଏଫ-୧୦୧, ବସୁଧାରେ ସକାଳ ୧୦ଟାରୁ ଅପରାହ୍ଣ ୫ଟା ଯାଏ ଭୋଟ ଦେବେ ସାଂସଦ । ନିର୍ବାଚନ ଲାଗି ଦୁଇଜଣ ପର୍ଯ୍ୟବେକ୍ଷକଙ୍କୁ ନିଯୁକ୍ତ କରିଛନ୍ତି ନିର୍ବାଚନ କମିଶନ । ସେମାନେ ହେଲେ ପଞ୍ଚାୟତିରାଜ ମନ୍ତ୍ରାଳୟର ଅତିରିକ୍ତ ସଚିବ ସୁଶୀଲ କୁମାର ଲୋହାନୀ ଏବଂ ଅର୍ଥ ମନ୍ତ୍ରାଳୟର ଅତିରିକ୍ତ ସଚିବ ଡି. ଆନନ୍ଦନ । ଏନଡିଏ ପକ୍ଷରୁ ସି. ପି. ରାଧାକ୍ରିଷ୍ଣନଙ୍କୁ ପ୍ରାର୍ଥୀ କରାଯାଇଥିବାବେଳେ ଇଣ୍ଡିମେଣ୍ଟ ପକ୍ଷରୁ ପ୍ରାର୍ଥୀ ହୋଇଛନ୍ତି ପୂର୍ବତନ ସୁପ୍ରିମକୋର୍ଟ ବିଚାରପତି ବି. ସୁଦର୍ଶନ ରେଡ୍ଡୀ ।