ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ନୁପୁରଙ୍କୁ ଛୁଟିଲା ସହାୟତାର ସୁଅ

ବଲାଙ୍ଗୀର: ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ବଲାଙ୍ଗୀରର ସାଇକେଲ ରାଣୀ ନୁପୁରଙ୍କୁ ଛୁଟୁଛି ସହାୟତାର ସୁଅ  ।ନୁପୁର  ମେହେରଙ୍କୁ ଏକ ନୂଆ ସାଇକଲ ପ୍ରଦାନ କରିଛି ବଲାଙ୍ଗୀର ଉଠାଦୋକାନୀ ସଂଘ  ।  ଅନେକ ବୁଦ୍ଧିଜୀବୀ ମଧ୍ୟ ନୁପୁରଙ୍କ ପରିଶ୍ରମକୁ ପ୍ରଶଂସା କରିଛନ୍ତି । ପରିଣତ ବୟସରେ ବି ସେ କିଭଳି ଆତ୍ମନିର୍ଭରଶୀଳ ଓ ମହିଳା ସଶକ୍ତିରଣ ପାଇଁ ଉଦାହରଣ ସାଜିଛନ୍ତି, ପ୍ରତିଦିନ ସେ କିଭଳି ୧୦ ବର୍ଷ ତଳର ସାଇକେଲ ଧରି ୧୦ କିଲୋମିଟର କାମ କରିବାକୁ ଯାଆନ୍ତି  । ଘର ଚଳାଇବାରେ ସ୍ବାମୀଙ୍କୁ ସହଯୋଗ କରନ୍ତି  । ତାହା ନନ୍ଦିଘୋଷ ଟିଭରେ ପ୍ରସାରଣ କରାଯାଇଥିଲା  । ଏହି ଖବର ଜାଣିବା ପରେ  ବଲାଙ୍ଗୀର ଉଠାଦୋକାନୀ ସଂଘ ଓ କିଛି ସ୍ବେଛାସେବୀ ମିଶି ଏକ ଅତ୍ୟାଧୁନିକ ସାଇକଲ ଉପହାର ଦେଇଛନ୍ତି  ।