ଛତ୍ରପୁରରେ ଚିତ୍ରାଳୟ ଗାଡ଼ି ଓଲଟି ପାଞ୍ଚ ଜଣ ଆହତ

ଗଞ୍ଜାମ: ଚିତ୍ରାଳୟ ଗାଡ଼ି ଓଲଟି ପାଞ୍ଚ ଜଣ ଆହତ । ଗଞ୍ଜାମ ଜିଲ୍ଲା ଛତ୍ରପୁର ଥାନା ଅନ୍ତର୍ଗତ ଓଭରବ୍ରିଜ ନିକଟ ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି । ଆହତମାନଙ୍କୁ ଛତ୍ରପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି l ଚିତ୍ରାଳୟ ଗାଡ଼ିଟି ନାରାୟଣୀଠାରୁ ତାଳପଡ଼ା ଯାଉଥିଲା । ଛତ୍ରପୁର ଓଭରବ୍ରିଜ୍‌ ନିକଟ ଜାତୀୟ ରାଜପଥରେ ଏକ ଗାଈ ପାର କରୁଥିବା ବେଳେ ଗାଈକୁ ବଞ୍ଚାଇବାକୁ ଯାଇ ଚିତ୍ରାଳୟ ଗାଡ଼ିଟି ଭରସାମ୍ୟ ହରାଇ ଓଲଟି ପଡ଼ିଥିଲା l

ଗାଡ଼ିରେ ବସିଥିବା ପାଞ୍ଚ ଜଣ ଚିତ୍ରାଳୟ ଓ ଲାଇଟ ଏଣ୍ଡ ସାଉଣ୍ଡ କର୍ମଚାରୀ ଆହତ ହୋଇଛନ୍ତି । ସେମାନଙ୍କୁ ସ୍ଥାନୀୟ ଯୁବକମାନେ ମାନବ କଲ୍ୟାଣ ଚାରିଟେବୁଲ ଟ୍ରଷ୍ଟର ଆମ୍ବୁଲାନ୍ସ ଯୋଗେ ଛତ୍ରପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଆହତମାନେ ହେଲେ ଗଜପତି ଜିଲ୍ଲା ଅଡ଼ବାର ପ୍ରଶାନ୍ତ କମାର, ଚିକିଟିର ରଞ୍ଜନ କୁମାର ପ୍ରଧାନ, ଭୀଷ୍ମଗିରିର ମାତା ରବି, ଗଜପତି ଜିଲ୍ଲା ଉଦୟଗିରିର ମନୋଜ ପାଇକ ଏବଂ ପୱନ ଦାସ l