ରାଜଧାନୀରେ ଦୁର୍ଘଟଣା: କାରକୁ ଧକ୍କା ଦେଲା ପରିବା ବୋଝେଇ ଟ୍ରକ

ଭୁବନେଶ୍ବର: ରାଜଧାନୀ ଭୁବନେଶ୍ବରର ନୟାପଲ୍ଲୀରେ ଭୟଙ୍କର ଦୁର୍ଘଟଣା । ପଛରୁ ଦ୍ରୁତ ଗତିରେ ଏକ ପରିବା ବୋଝେଇ ଟ୍ରକ ଆସି ଦୁଇଟି କାରକୁ ଦେଲା ଧକ୍କା । ଫଳରେ ତିନି ଜଣ ଆହତ ହୋଇଛନ୍ତି ।

ଦୁର୍ଘଟଣା ନୟାପଲ୍ଲୀ ଓଭର ବ୍ରିଜ୍ ଉପରେ ଘଟିଛି । ଓଭର ବ୍ରିଜ୍ ଉପରେ କାରଟି ଯାଉଥିବା ବେଳେ ପଛପଟୁ ପରିବା ବୋଝେଇ ଟ୍ରକଟି ଦ୍ରୁତ ଗତିରେ ଆସି ଗୋଟିଏ ପରେ ଗୋଟିଏ ଦୁଇଟି କାରକୁ ଧକ୍କା ଦେଇଥିଲା । ଦୁର୍ଘଟଣା ପରେ ଟ୍ରକ ସହ ଡ୍ରାଇଭର ଫେରାର ହୋଇଯାଇଛି । ତେବେ ଦୁର୍ଘଟଣା ସମୟରେ ଟ୍ରକରୁ ପିଆଜ, ରସୁଣ, ଅଦା, ଟମାଟୋ ସହ ଅନ୍ୟ ପରିବା ଛିଟିକି ରାସ୍ତା ଉପରେ ପଡ଼ି ରହିଛି । ଦୁର୍ଘଟଣାରେ ତିନି ଜଣ ଆହତ ହୋଇଛନ୍ତି । ସେମାନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ରହିଛି । ଆହତମାନଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।