ନନ୍ଦିଘୋଷ ବ୍ୟୁରୋ : ଆକାଶଛୁଆଁ ପରିବା ଦର। ମହଙ୍ଗା ମାଡ଼ରେ କଲବଲ ଖାଉଟି। ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ର ବିଭିନ୍ନ ବଜାରରେ ହୁ ହୁ ହୋଇ ବଢ଼ିଚାଲିଛି ପନିପରିବା ଦର। ୫ଶହ ଟଙ୍କାରେ ପୁରୁନି ବ୍ୟାଗ। କାଙ୍କଡ଼ -୨୦୦ , ପୋଟଳ -୮୦, କଲରା ଓ ବାଇଗଣ – ୬୦, ଫୁଲକୋବି -୧୦୦, ବନ୍ଧାକୋବି -୪୦, ବିନ୍ସ -୮୦ ରହିଥିବା ବେଳେ ଭେଣ୍ଡି କିଲୋ ପିଛା -୫୦,ଝୁଡଙ୍ଗ -୬୦ ରହିଛି l ସେହିପରି କନ୍ଦାଉଛି ପିଆଜ । ୭୦ ଦେଇ ପିଆଜ କିଣିଲେ ଆଖିରୁ ଲୁହ ଆସୁଥିବା କହିଛନ୍ତି ଗ୍ରାହକ। ଗ୍ରାହକଙ୍କ ହାଣ୍ଡିଶାଳ ରେ ମହଙ୍ଗା ମାଡ଼ ହେଉଥିବା କହିଛନ୍ତି ।
ବ୍ଲକର ଫଳସାଗୋରା, କଣ୍ଟାମାଳ, ମଲିକୁଦ, ଲମ୍ବଶେରୀ, ବରଗାଁ ପରି ବିଭନ୍ନ ସ୍ଥାନରେ ସାପ୍ତାହିକ ବଜାରରେ ଏବେ ଲୋକଙ୍କୁ ପରିବା ଦର ଅତିଷ୍ଟ କରୁଛି l ଦର ଅଧିକ ଥିବାରୁ ଲୋକେ ନିଜର ଆବଶ୍ୟକତା ଠାରୁ କମ୍ କିଣୁଛନ୍ତି । ଗୋଟେ ପଟେ ବର୍ଷା ଯୋଗୁ ଫସଲ ନଷ୍ଟ ଏବଂ ଅନ୍ୟପଟେ ତେଲ ଦର ବୃଦ୍ଧି ଯୋଗୁଁ ବାହାର ଜିଲ୍ଳାରୁ ଆସୁଥିବା ପନିବାରିବା ର ଦର ଅଧିକ ହେଉଥିବା କହିଛନ୍ତି ବ୍ୟବସାୟୀ l
ଦର ନିୟନ୍ତ୍ରଣ ଦିଗରେ ସରକାର ଦୃଷ୍ଟି ଦେବା ଆବଶ୍ୟକ ହୋଇଛି। ତେବେ ପରିବା ଦର କେବେ କମିବ ? କେବେ ଖାଉଟିଙ୍କୁ ଆଶ୍ୱସ୍ତି ମିଳିବ? ତାହା ଉପରେ ନଜର।
