ରାଜ୍ଯରେ ଆକାଶ ଛୁଆଁ ପରିବା ଦର
![](https://nandighoshatv.com/wp-content/uploads/2024/06/ଚିନ୍ତା-ବଢାଇଲା-ପରିବା-ଦର-1024x576.jpg)
ନନ୍ଦିଘୋଷ ବ୍ୟୁରୋ: ରାଜ୍ଯରେ ଆକାଶ ଛୁଆଁ ପରିବା ଦର । ନିୟମିତ ବଢୁଛି ଦରଦାମ। କଞ୍ଚା ପରିବାରେ ହାତ ମାରିବାକୁ ବି ଡର ଲାଗୁଛି। ଓଡିଶାର ଅଧିକାଂଶ ସ୍ଥାନରେ ଚିନ୍ତା ବଢାଇଲାଣି ପରିବା ଦର । ଆଳୁ ସହ ଟମାଟୋ ଦର ଆକାଶ ଛୁଇଁଲାଣି । ତାସହ ଖାଉଟିଙ୍କୁ ମହଙ୍ଗା ପଡୁଛି କଞ୍ଚା ପନିପରିବା କିଣିବା । ସବୁ ପରିବା ଦାମ ୫୦ ଟଙ୍କା ଉପରେ ରହିଛି । ଆଗରୁ ୩୦ ଟଙ୍କାରେ ବିକ୍ରି ହେଉଥିବା ଟମାଟୋ ଏବେ ଦୁଇଗୁଣା। ଟମାଟୋ କିଲୋପ୍ରତି ୬୦ ଟଙ୍କାରେ ବିକ୍ରି ହେଉଥିବାବେଳେ ଫୁଲକୋବି, ପୋଟଳ, ବାଇଗଣ, କାଙ୍କଡ ଆଦି ପରିବା ୫୦ ଟଙ୍କା ଉପରେ ରହିଛି। ଦରଦାମକୁ ନେଇ ଲୋକଙ୍କ ମଧ୍ଯରେ ଅସନ୍ତୋଷ ଦେଖିବାକୁ ମିଳିଛି।