ମୁଖିଗୁଡା : ଜୟପାଟଣା ମୁଖିଗୁଡାରେ ଅବ୍ଯବସ୍ଥା। ଗମନାଗମନ ପଥ, ପାଣି, ବିଜୁଳି ନେଇ ଅଭିଯୋଗର ଲମ୍ବା ଫର୍ଦ୍ଦ। ପାରିପାର୍ଶ୍ବିକ ଉନ୍ନତି ନାଁରେ ଲକ୍ଷ ଲକ୍ଷ ଟଙ୍କା ହରି ଲୁଟ ହେଉଥିବା ଅଭିଯୋଗ ହୋଇଛି। ମୁଖିଗୁଡାରେ ପାନୀୟ ଜଳ ଯୋଗାଣ, ଡ୍ରେନେଜ୍ ବ୍ୟବସ୍ଥା, ଆବର୍ଜନା ପୂର୍ଣ୍ଣ ପରିବେଶକୁ ନେଇ ଲୋକେ ହନ୍ତସନ୍ତ ହେଉଛନ୍ତି। ଡ୍ରେନେଜ୍ ବ୍ଯବସ୍ଥା ନଥିବାରୁ ରାସ୍ତାରେ ପାଣି। ଅଳିଆ ଅପରିସ୍କାରରେ ଭର୍ତ୍ତି ପରିବେଶ ପାଇଁ ନାକେଦମ ହେଲେଣି ଅଞ୍ଚଳବାସୀ। ବିଭାଗୀୟ ଅଧିକାରୀଙ୍କ ଖାମଖିଆଲି ମନୋଭାବ ଯୋଗୁଁ ଏଭଳି ଅବ୍ଯବସ୍ଥା ହେଉଥିବା ଲୋକେ ଅଭିଯୋଗ କରିଛନ୍ତି।
ମୁଖିଗୁଡା ତଥା ଶକ୍ତି ଗୃହ ଅଞ୍ଚଳର ମୂଖ୍ୟ କେନ୍ଦ୍ରସ୍ଥଳ ପାଲଟିଥିବା ମୂଖ୍ୟ ଛକର ଦୂରାବସ୍ଥା କହିଲେ ନସରେ। ଯାତ୍ରୀ ତଥା ଜନସାଧାରଣ ବିଶ୍ରାମ ନେଉଥିବା ବିଶ୍ରାମସ୍ଥଳୀକୁ ଭାଙ୍ଗି ଦିଆଯାଇଥିବା ଅଭିଯୋଗ ହୋଇଛି। ପାଣି ନିସ୍କାସନ ସଠିକ ନହେଇପାରୁଥିବାରୁ ଅସନ୍ତୋଷ ବୃଦ୍ଧି ପାଉଛି। ବାରମ୍ବାର ବିଭାଗୀୟ ଅଧିକାରୀଙ୍କୁ ଜଣାଇଲେ ମଧ୍ଯ ସମସ୍ଯାର ସମାଧାନ ହୋଇପାରୁନି ବୋଲି କହିଛନ୍ତି ଅଞ୍ଚଳବାସୀ। ଓ.ଏଚ.ପି.ସି ଜେନେରାଲ ମ୍ୟାନେଜର ଏସମ୍ପର୍କରେ କୌଣସି ପ୍ରକାର ପ୍ରତିକ୍ରିୟା ଦେବାକୁ ମନା କରିଦେଇଥିଲେ।
