ଆସିଲାଣି ଭ୍ୟାକ୍ସିନ୍, ତଥାପି କମିନି ଗୁଜବ: ଜାଣନ୍ତୁ କରୋନାକୁ ନେଇ ଗତ ୧ ବର୍ଷ ମଧ୍ୟରେ ହୋଇଥିବା କିଛି ମିଥ୍ୟାପ୍ରଚାର

ନୂଆଦିଲ୍ଲୀ: କରୋନା ଭୂତାଣୁକୁ ନେଇ ବହୁ ବର୍ଷ ପୂର୍ବରୁ କିଛି ପୁସ୍ତକରେ ଉଲ୍ଲେଖ ହୋଇଛି । ୧୯୮୧ ମସିହାରେ ପ୍ରକାଶିତ ପୁସ୍ତକ The Eyes of Darkness (ଅନ୍ଧକାରର ଆଖି)ର ଏକ ପାରାଗ୍ରାଫରେ ଉହାନ୍ -୪୦୦ ଭାଇରସ୍ ବିଷୟରେ ଉଲ୍ଲେଖ କରାଯାଇଥିଲା । ଯାହାକୁ ଚୀନର ଏକ ଲ୍ୟାବ୍‌ରେ ପ୍ରସ୍ତୁତ କରାଯାଉଥିବା କୁହାଯାଇଛି ।

          କରୋନା ଭାଇରସ୍ ଚୀନର ଏକ ବଜାରରୁ ନବ୍ୟାପି, ଏହା Institute of Virology ଲ୍ୟାବ୍‌ରୁ ଲିକ୍‌ ହୋଇଥିବା କୁହାଯାଉଛି । ଏହି ଜାତୀୟ ବାୟୋସେଫ୍ଟି ଲ୍ୟାବ୍‌ରେ ଏହି ଭାଇରସ୍ ସମ୍ପର୍କରେ ରିସର୍ଚ୍ଚ ଚାଲିଥିଲା । ଏବଂ ଅବହେଳା ଯୋଗଁ ଏହି ଭାଇରସ୍ ଲିକ୍ ହୋଇଥିବା କୁହାଯାଉଛି ।ଏବଂ ସେଠାରେ କାମ କରୁଥିବା ଲୋକଙ୍କ ଜରିଆରେ ଉହାନ ବଜାରେ ବ୍ୟାପିଥିବା କୁହାଯାଉଛି । ବହୁ ଆମେରିକୀୟ ଏବଂ ୟୁରୋପିଅ ଖବରକାଗଜରେ ଏ ବାବଦରେ ରିପୋର୍ଟ ପ୍ରକାଶିତ ହୋଇଛି ।

ତେବେ ଏଯାଏଁ ଏହା ପ୍ରମାଣିତ ହୋଇପାରିନାହିଁ । ଅନ୍ୟ ଏକ ପ୍ରଚାରକୁ ଯଦି ଗ୍ରହଣ କରାଯାଏ କୋଭିଡ-୧୯ ଭାଇରସ୍ ସମୁଦ୍ର ଖାଦ୍ୟ ବଜାରରେ ଜନ୍ମ ନେଇଛି । ଏ ନେଇ ଚୀନ ସ୍ୱାସ୍ଥ୍ୟ ଅଧିକାରୀ ଏବଂ ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟରେ ଜଣାଯାଇଛି । ଏହା ପରେ ଆମିଷ ଖାଉବା ଉପରେ ଚେତାବନୀ ଜାରି କରାଯାଇଥିଲା । ଆଉ କେହିଁ କେହିଁ ୫-ଜି ଇନ୍‌ଫ୍ରାଷ୍ଟକଚର ଯୋଗୁଁ ଏଭଳି ହୋଇଥିବା ମଧ୍ୟ ଦାବି କରିଛନ୍ତି । ବହୁ ସୋସିଆଲ ମିଡିଆ ପ୍ଳାଟଫର୍ମରେ ଏଭଳି ମିଥ୍ୟ ପ୍ରଚାର କରାଯାଉଥିବା ଦେଖିବାକୁ ମିଳିଥିଲା ।

ଏଥିସହିତ ପଢ଼ନ୍ତୁ: କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ବଡ଼ ଘୋଷଣା,କରୋନା ଟିକା ମାଗଣା କିନ୍ତୁ…