ଭୁବନେଶ୍ୱର: ବାଣୀବିହାରରେ ଉତ୍ତେଜନା ପରେ ମୁଖ୍ୟ ଗେଟ ସାମ୍ନାରେ ଧାରଣା ଦେଇଛନ୍ତି ଏବିଭିପି ଛାତ୍ରଛାତ୍ରୀ ଓ କିଛି ସଦସ୍ୟ । ସିଟିଜେନ୍ ଫୋରମ ପକ୍ଷରୁ ୟୁନିଭରସିଟିରେ ଆୟୋଜିତ ହୋଇଥିବା ସେମିନାର କାର୍ଯ୍ୟକ୍ରମକୁ ଏବିଭିପି ପକ୍ଷରୁ ବିରୋଧ କରାଯାଇଥିଲା । ଗେଟ ଆଗରେ ଏବିଭିପି ସଦସ୍ୟ ନାରାବାଜି କରିଥିବା ଦେଖିବାକୁ ମିଳିଥିଲା ।
ବାଣୀବିହାରରେ ଆଲୋଚନା ବେଳେ ଦେଖାଯାଇଥିଲା ଅପ୍ରିତିକର ପରିସ୍ଥିତି । ଅଶାନ୍ତି ହୋଇଥିଲା କାର୍ଯ୍ୟକ୍ରମ ସ୍ଥଳ । ବାଣୀବିହାରରେ ଏବିଭିପି ସଦସ୍ୟଙ୍କ ଆକ୍ରମଣ ଅଭିଯୋଗ ହୋଇଛି। ସିଟିଜେନ୍ ଫୋରମ ପକ୍ଷରୁ ଉତ୍କଳ ବିଶ୍ବବିଦ୍ୟାଳୟରେ ପିଜି କାଉନସିଲ ଅଡିଟୋରିୟମରେ “ସମ୍ବିଧାନ ଓ ଶିକ୍ଷା ନୀତି” ଶୀର୍ଷକରେ ଆଲୋଚନାଚକ୍ର ଚାଲିଥିଲା। ଏଥିରେ ଜେଏନୟୁ ପ୍ରଫେସର ସୁରଜିତ ମଜୁମଦାର ନିଜ ବକ୍ତବ୍ୟ ରଖୁଥିଲେ। ତେବେ ବକ୍ତବ୍ୟ ରଖିବା ସମୟରେ ହିଁ ମୁହାଁମୁହିଁ ସ୍ଥିତି ଦେଖାଦେଇଥିଲା।ହଠାତ ଏବିଭିପି ଓ ଆରଏସଏସର ପରିଚୟ ଦେଉଥିବା ଦୁଇ ଯୁବକ ଆସି ଗାଳିଗୁଲଜ ଆରମ୍ଭ କରିଥିଲେ। ସେମିନାର ବନ୍ଦ କରିବାକୁ ଧମକ ଦେଇଥିଲେ ।
ସିଟିଜେନ୍ ଫୋରମ୍ ଆବାହକ ପ୍ରଦୀପ୍ତ ନାୟକ, ଅଧ୍ୟାପକ ସୁରେନ୍ଦ୍ର ଜେନାଙ୍କୁ ଏବିଭିପି ସଦସ୍ୟ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହ ଆକ୍ରମଣ କରିଥିବା ଅଭିଯୋଗ ହୋଇଛି। ଆଲୋଚନାଚକ୍ରରେ ଉତ୍ତେଜନା ଦେଖା ଦେବାରୁ ସେମିନାରକୁ ବନ୍ଦ ରଖାଯାଇଥିଲା। ଘଟଣା ନେଇ ସହିଦ ନଗର ଥାନାରେ ଉଭୟ ପକ୍ଷରୁ ମାମଲା ଦାଏର କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରିଥିବା ଏଫଆଇଆରରେ ଦର୍ଶାଇଛନ୍ତି ଆକ୍ରମଣର ଶିକାର ସିଟିଜେନ୍ ଫୋରମ୍ ଆବାହକ ପ୍ରଦୀପ୍ତ ନାୟକ।
