ବାଣୀବିହାର କ୍ୟାମ୍ପସରେ ବ୍ୟାପକ ପୋଲିସ, ଖାଲି ହେଲା ଅଣଛାତ୍ରଙ୍କ କବଜାରେ ଥିବା ହଷ୍ଟେଲ ରୁମ…

ଭୁବନେଶ୍ୱର : ବାଣୀବିହାର କ୍ୟାମ୍ପସରେ ବ୍ୟାପକ ପୋଲିସ । ବିଶ୍ବବିଦ୍ୟାଳୟରୁ ତଡ଼ା ହେଲେ ଅଣଛାତ୍ର । ଖାଲି ହୋଇଛି ଅଣଛାତ୍ରଙ୍କ କବଜାରେ ଥିବା ୨୦୦ରୁ ଅଧିକ ହଷ୍ଟେଲ ରୁମ । କ୍ୟାମ୍ପସରେ ଥିବା ସବୁ ହଷ୍ଟେଲରେ ଚାଲିଛି କଡା କଡି ଯାଞ୍ଚ ।  ପ୍ରତି ହଷ୍ଟେଲ ପାଇଁ ବରିଷ୍ଠ ପୋଲିସ ଅଧିକାରୀଙ୍କୁ ଦାୟିତ୍ବ ଦିଆଯାଇଛି । ବିଶ୍ୱବିଦ୍ୟାଳୟ କର୍ତ୍ତୃପକ୍ଷ, କର୍ମଚାରୀ, ପୋଲିସ ଫୋର୍ସ ଉପସ୍ଥିତିରେ ଉଚ୍ଛେଦ ହୋଇଛି ଜବରଦଖଲରେ ଥିବା ହଷ୍ଟେଲ ରୁମ । ପୂର୍ବରୁ ଅଣଛାତ୍ରଙ୍କୁ ଉତ୍କଳ ବିଶ୍ୱବିଦ୍ୟାଳୟ ପକ୍ଷରୁ ଜିନିଷ ପତ୍ର ସହ ହଷ୍ଟେଲ ଛାଡ଼ିବାକୁ ନୋଟିସ୍ କରାଯାଇଥିଲା । ଯେଉଁଠି ପିଲାଙ୍କ ଅନୁପସ୍ଥିତିରେ ରୁମ ଖାଲି କରାଯାଇଛି, ସେହି ରୁମରେ ଥିବା ଜିନିଷପତ୍ରକୁ ନିଜର ବୋଲି ଆବେଦନ କରି ନେଇପାରିବେ ବୋଲି କର୍ତ୍ତୃପକ୍ଷ କହିଛନ୍ତି ।

ଉଚ୍ଚଶିକ୍ଷା ମନ୍ତ୍ରୀ କହିଛନ୍ତି ଯେ, ବିଶ୍ୱବିଦ୍ୟାଳୟ କ୍ୟାମ୍ପସ ମଧ୍ୟରେ ଶୈକ୍ଷିକ ବାତାବରଣ ସୃଷ୍ଟି କରିବା ପାଇଁ ଯାହା ପଦକ୍ଷେପ ନେବା କଥା ନିଆଯାଉଛି । ପୂର୍ବତନ ଛାତ୍ରମାନେ ଦାୟିତ୍ବବାନ ହୁଅନ୍ତୁ। ରାକିଂ ଓ ଗୁଣାତ୍ମକମାନ ନେଇ ସରକାର ସବୁବେଳେ ଚିନ୍ତିତ ରହୁଛନ୍ତି । ସେଥିପାଇଁ ସମସ୍ତଙ୍କ ସହଯୋଗ ଲୋଡିଛନ୍ତି ଉଚ୍ଚଶିକ୍ଷା ମନ୍ତ୍ରୀ । ସେପଟେ ଛାତ୍ର ବିଜେଡି ଆଣିଛି ଗୁରୁତର ଅଭିଯୋଗ । ହଷ୍ଟେଲରେ ଅଧିକାଂଶ ଅଣଛାତ୍ର ସରକାରୀ ଦଳର ବୋଲି ଛାତ୍ର ବିଜେଡି ସଭାପତି ଅଭିଯୋଗ କରିଛନ୍ତି । କ୍ୟାମ୍ପସରେ ୮ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି । ପ୍ରଥମେ ହଷ୍ଟେଲକୁ ସିଲ୍ କରାଯିବ । ତାପରେ ମରାମତି କରି ଛାତ୍ରମାନଙ୍କୁ ହଷ୍ଟେଲ ଦିଆଯିବ। ସରକାରଙ୍କ ଅପାରଗତା ଯୋଗୁଁ ପୁରାତନ ଛାତ୍ର ମାନଙ୍କ ଉପରେ ଏପରି ଦାଦାଗିରି ହଉଛି। କ୍ୟାମ୍ପସରୁ ବସ୍ତି ହଟିପାରୁନାହିଁ । ଷ୍ଟାଫ କ୍ୱାର୍ଟର୍ସ ଜବରଦଖଲ ହେଇ ପଡିଛି । ପ୍ରଶାସନ ତାହା ଦେଖୁନାହିଁ। କେବଳ ପୁରାତନ ଛାତ୍ରଙ୍କ ଉପରେ ଏପରି ଅମାନବୀୟ ଆକ୍ରମଣ ଗ୍ରହଣୀୟ ନୁହେଁ ବୋଲି ପୁରାତନ ଛାତ୍ର କହିଛନ୍ତି। ଦୀର୍ଘ ଦିନ ଧରି ଉତ୍କଳ ବିଶ୍ୱବିଦ୍ୟଲୟରେ ଅଣଛାତ୍ର ହଷ୍ଟେଲରେ ରହି ଆସୁଥିଲେ । ଯାହାକୁ ନେଇ ଅନେକ ସମୟରେ ଅପ୍ରୀତିକର ପରିସ୍ଥିତି ସାମ୍ନାକୁ ଆସୁଥିଲା । ଏପରିକି କିଛି ଦିନ ତଳେ ଜଣେ ଯୁବକଙ୍କ ମୃତଦେହ ମିଳିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ।